Vindplaats van het origineel
Tilburg, Regionaal Archief Tilburg, toegangsnummer 1431, Charterverzameling Hilvarenbeek en Diessen, inv. nr. 25.
16 januari 1392 ns
Samenvatting oorkondetekst
Akte van Johanna, hertogin van Brabant, waarin zij de inwoners van Hilvarenbeek vrijstelt van het betalen van hopgeld en zij mogen voortaan zelf kiezen waar zij hun gruit laten malen.
Transcriptie
Iehanne bider gratien goids hertoghinne van Luccemborch van Lothrike van Brabant ende van Lymborch marcgrevinne des Heylichs Riics doin cont ǁ allen luden, dat want wii uut onrechter informatien, ons gedaen, also wii cleerlic bevonden hebben, gegeven hadden ende bezegelt Iohannes van ǁ Oersschot, zoen was heren Ians van Oersschot, seker hopgelt, te hebben, ende te heffen, erffelic in onsen dorpe van Beke mit sinen toebehoirten dat ǁ hi van ons in beternisse siins leens gehouden soude hebben ende ontfaen hadde, ende des geliix oic uut sluiken aenbringen Peteren meester Dyrcs ǁ van Breda, den ban ende dbedwanc vanden twee wiintmolenen, die hi staende heeft tot Beke so eest dat wii dit aengesien verhoert den ǁ goeden heerbringen daer in onse goede lude van Beke van auds geweest hebben, die voirs. ghichten Iohannes van Oersschot ende Peteren ǁ meester Dyrcs voirs. vanden hopgelde ende vanden bedwanc wederroepen hebben, ende wederroepen mit deser onsen brieven willende dat onse ǁ goede lude van Beke voirtaen sonder enich hopgelt te gheven, hoir gruyt halen, ende malen te wat molenen, ende waer sii willen geliic sii ǁ dat heerbracht hebben ontbieden dair om onsen schoutet vanden Bossch, die nu is of namaels siin sal, also ernstelic bevelende als wii ǁ mogen, dat hi vanden voirs. zaken onse goede lude van Beke mit hoiren toebehoirten voirt meer ongemoeyt houde, onsen voirs. ghichten ǁ Iohannes, ende Peteren voirscr. gedaen die voirtaen van engeene macht wesen en selen met wederstaende des niet latende op onse hulde ǁ ende sine ambacht te behouden. in orconden des briefs dair wii onsen zegel aen hebben doin hangen Gegeven te Bruessel sesthien dage ǁ in ianuario int iair ons heren M. CCC. ende enentnegentich na costumen des hoefs van Cameric
Onder de pliek
per dominam ducissam relationibus dominorum de bergen ǁ de gruithuse et de wittam senescalo brabanttie ǁ necnon domino iohanne de oppen magistro hospitii ac domino ǁ
Renero goedhen receptore brabantie ǁ W. Bont
Dorsale aantekening
gesien ende gevall[***]eert 19 februarij 1602 ǁ AA ǁ Den 16 Januarij 1391