Brussel

Alsoe sekere questie ende gescil geresen ende opgestaen weren tusschen die ingesetenen van Hilwaerenbeke ter eenre ende ǁ die van Diessem ter andere ziiden spruytende uuyt saken vanden loependen beden aenhangingen ende vanden achterstellen der selver ǁ van wegen der voirs. van Beke gesustineert der die van Diessem souden schuldich zyn die voirs. beden aenhangingen ende ǁ achterstellen te contribuerende tderdendeel van hondert riinsgulden naeder onder costumen soe wanneer afgetrocken weren ierst ǁ bii dien van Beke vier ende eenen halven rynsgulden bii dien van Beerse dat achthiensten deel bii dien van Riele dat ǁ tderthienste deel ende bii dien van Beke vanden resten die twee deelen ende van wegen dier van Diessem gesustineert ǁ ter contrarien dat zii gestaen souden navolgende der lester hertelingen biide dreiie staten des lants van Brabant int ǁ iaer sessendenegentich lestleden gemaict ziin die selve partiien te weten Ghiisbrecht VVout. metten soenen Adriaen. Brievinck ǁ ende Claes [***]tten comparerende in persoenen voer die vriihe[***]t van Beke des gemechticht ziinde Goessen Gerrit Luten Bertelmeeus ǁ Schil[***] ende Henr.Sloesen Janssoen. comparerende oic in persoenen voer die van Diessem oic speciale macht dair toe hebbende gecomen ǁ voer Werne. van Merode ende op des voirs. is met des dair aen cleeft hen gesubmitteert ende verbonden hebben in die uuytsprake ǁ ende in alle tgeenen dat biiden voirs. Werne. geseight ende geappointeert soude wordden dat alsoe te houden ende dair teghen ǁ niemmermeer te doenen op die pene van viiftich gouden Philips guldenen tappliceren in drie deelen deen miinen geneden heeren dat ǁ ander den heeren van Merode ende Beke ende tderdendeel der kercken van Sinte Pieters soe verre die van Diessem tractaet ǁ nyet onderhouden en wouden der kercken van Diessem soe verre die van Beke den tractaet nyet en onderhielten welck ǁ submissie die voirs. Werne. ter beden vanden voirs. partiien ende om die van hueren twiste te verliicken ende te accorderen aenvaerde ǁ ende aengenomen heeft soe is opten dach van huden date van desen nae dien dat die voirs. Werne. Gehoirt ǁ ende verstaen hadde gehadt ontfange die altricatie vanden voirs. parthiien seight ende appointeert voer eenen ǁ minliicke uuytsprake dat die van Diessem van nu voirtaenen hen minliic ende gebuerliic houden sullen mette ingesetenen ǁ der voirs. van Beke betalende de [***]t[***] van allen beden geliic hen die gesonden sal wordden uuyt der cameren vanden ǁ rekenmeesteren vanden stadt vanden Bossche oft anderssins ende aengaende den twist ende gescille die wesen mach tusschen ǁ der ouder gewoenten boven vercleert ende gesustineert van wegen der voirs. van Beke ende den tu[.]e van den beden ǁ gesustineert van wegen der voirs. van Diessem gedragende omtrent negen Riinsgulden min oft meer dair aff ǁ sullen die voirs. van Beke van nu voirtaende betalen de vine ende die van Diessem die bier het zii min oft meer altiit ǁ nae advenant metten achterstellen van dien verschenen sindt der lester hertellingen totten dage toe van huden ǁ behoudelycke nochtans dat men doen zal wettige rekeningen over deen ziide ende over dander vanden lester hertellingen ǁ herwee[***] ende [***]en benundt men dan dat die van Diessem in ennich achterstel bevonden wordden nae inhoudt ǁ van dese voirs. [***] dair aff sullen die selve van Diessem gestaen mits betalende deen van Beke die vier deelen vanden sekere achterstellen. Ende voirts om minne ende vrientscap altiit te onderhouden soe hebben die ǁ van Beke den voirs. van Diessem dat viifste deel vanden selven achterstellen uuiitgeschonden duerende dese ǁ voirs. uuytsprake van werde soe lange ende totter tiit toe dat eenen nuwe hertelinge oft ordinarissen gemaict ende ǁ geordineert sal wordden bii miinen gened[***] heeren ende den driie staten des landts van Brabant etcetera Nae welcke ǁ uuytsprake soe gedaen hebben die voirs. partiien ter eenre ziiden ende ter ander die selve uuytsprake geemologeert ǁ geratificeert ende geapprobeert gelovende die van pointe te pointe te onderhouden ende dair tegen nyet te gaenen ǁ oft te doenen opte pene als boven ende te bekeeren als voer hier waeren mede bii ende over als getuygen Gielys ǁ Hupel Henrick Hupel ende verclaren hunne been clercken vanden greffien van Brabant. Gedaen inder ǁ stadt van Bruessel seven ende twintich daige in novembri int iaer duysent viifhondert ǁ W. de Merode sub ǁ

Dorsale aantekening:
Accoord tussen die ǁ van Hilvarenbeek ǁ en Diessen over de beeden ǁ den 27e november ǁ 1500 ǁ