Tilburg

Lauwreys Henrick Zwysen zoen heeft gheconsenteert ende van gratien ǁ verleent Hermanen Aert Noeyensz. ende syne naecomelingen, dat sy allen alsulcken ǁ vier lopen roggen erfpachts, als Herman voers. huyden des daechs geloeft ende ghevest ǁ heeft Lauwreys voors. allen jaer te gelden ende te betalen op Onser Vrouwendach Licht ǁ misse, uut ende van huys hoff metter toebehoerten gelegen inder prochien van Goerl ter ǁ steeden geheyten tVen, nae inhout den princepaelen erffbrieff daerop ghemaeckt ǁ volcomelycken begrepen is Altoes aff sullen mogen lossen ende quyten tot honnen ǁ schoensten, met negen Rynsgulden tweyntich stuver tstuck gherekent ende altoes ǁ metten pacht Orconden hebben hier over gheweest scepenen in Tilborch ende in Goerl ǁ Eelen Peter Eelkens ende Jan Vels die den zegel hoers ghemeyns scependoms deesen ǁ brieve open aen hebben doen hangen Int jaer ons Heeren dusent vyffhondert ende ǁ elff den negenthiensten dach inden meye.