Innsbruck (Oostenrijk)

Maximiliaen ende Marien [***] connick altijt vermeerder des Rijce Connick van Hongheren van [***] ǁ van Croatien  etcetera ende Philips bijder selve gratie [Godts] [***] Oistrijck hertogen Bourgoignen en van Lotrijck van Brabant van Limborch van Luxemborch ende van Gelre, Grave van Vlaen[deren] ǁ van Thirol van Artois van Bourg(oign)en palatijn van [***] van Hollant van Zeelant van Namen ende van Zutphen, Marcgreven des heilichs Rijcs heren van Vrieslant van Salms ende van ǁ Mechlen, Allen den ghenen die dese onse brieven [***] hoiren lesen saluijt, Doen te wetent dat overmits zekeren redenen ende consideratien ons dair toe [***] ǁ beden van eenigen onsen specialen dieneren [***] goeden rappoorte ons gedaen vanden persoen Anthonijs die Beijere clerck ende dienere van onsen [***] ǁ heren Henricks van Ranst heeren tot Boxstel ende onse hoog[***] vanden Bossche, betruwende volcomelic zijnre wijsheit ernsticheit ende rechtverdicheit, wij den voirs. Anthonijs [***] ǁ gegonnen ende gegeven, ende bij desen onsen voirs. [***] ende genen die officie oft dienst vanden clerckscape onser bancken ende vrijheiden van Oisterwijck  [***] ǁ proffijten opcomingen ende vervallen dair toe behoert  [***] tselve clerckscap onder onsen scouthet van Oisterwijck alsnu zijnde ende namaels wesende van nu [***] ǁ getrouwelic te bedienen, Onse recht ende heerlicheit dair inne te bewaren, Te bescriven alle saken die bij eenen clerck vander voirs. officien off dienste behoe(ve)n be [***] ǁ ende voirts alle andere saken ende dingen te doene die een goet ende getruwe clerck den selver officien doen mach ende schuldich is te doene ende den voirs. offitien off [diensten]  [***] ǁ alsoe langhe alst ons sal geheven vanden welcken alsoe te doene dit voirs. Anthonijs die Beijere zijnen eedt doen sal in handen van onsen hennen ende [getrouwe] [***] ǁ heren van Houthem ende van Huldeberghe zoe dat behoijrt, Ontbieden hier omme ende bevelen onsen voirs. Scouthet van Oisterwijck ende voirts allen anderen [***] ǁ richteren dieneren ende onderseten ons voirs. lants van Brabant dien dat eenichssints aengaen mach, dat zij ende elck van hen alsoe hem toebehoirt den [voirs)chreven] [Anthonijs die] ǁ Beijere gedaen hebbende den voirs)chreven) eedt des voirs. clerckscaps van Oisterwijck mitten voirs. rechten proffijten opcomingen ende vervallen dair toe [***] ǁ vredelic doen ende laten gebruijcken, Sonder hem dair inne te doene eenigen stoot off letsel in eenigen manieren, want ons alsoe gelieft, Ende des  [***] ǁ onsen segele hier aen doen hangen, Gegeven in onser stad van IJsbrouck tweelef daigen in meerte int jair ons heren Duijsent vierhondert een ende negen[tich] [***] ǁ Rijcken van ons Connick des Roomsche tsevenste, Ende van Hongheren etcetera tweeste.

XXXV gulden

Cont[***]

Off alsucken instrumente

In potlood:

1491 ǁ Aanstelling ǁ van Anthonij ǁ de Beijer ǁ tot klerk van de ǁ Oisterwijkse ǁ schepenbank

In de bovenmarge:

Vacat

Peter Mutsaerts supportavit? Cornelis die Metser een mud rogge erfpacht [***] ǁ ut presentibus? in litteras? [***] promisit Cornelissen voers. den [***] goet ende [***] ǁ te maken in [***] die aude brieven met goet genoch? ende waren [***] ǁ anderen commer van sijnen weegen aff te doen [***] XXVII februarij [***] ǁ scabini Vessem, Berijs