Tilburg

Peter Cornelis Peter Spapen, heeft ǁ wettelijck ende erffelijck overgegeven, ende opge ǁ dragen mitsdesen, aen ende ten behoeve van Seigneur ǁ Willem Gerits de Roy, een parcheel saeijlants een ǁ lopensaet dertich roeden ende thien voeten ǁ metter maete begrijpende, gelegen binnen de ǁ prochie van Tilborgh, ter plaetse genaemt Broec ǁ hoven, aldaer tusschen erffenisse, Willemken wedu ǁ we weduwe wijlen, Bartholomeeus Schellekens ǁ aen d'een sijde suijtwaerts, ende de kinderen ǁ Herman Remijssen aen d'ander sijde noortwaerts, ende ǁ aen den westen eijnde, ende streckende metten ǁ oosten eijnde aen de erve van Cornelis Peter Gijssen, ǁ ende dit mette gerechticheijt van te wegen over ǁ de erve van d'voornoemde Willemken als van ǁ outs los ende vry, Ende heeft daerop ten behoeve van de voor ǁ noemde cooper volcomentlijck vertegen ende ǁ gerenuntieert, in manieren daertoe behoorlijck ǁ ende gewoonlijck sijnde, Gelovende super se et ǁ omnia sua bona habita et habenda, warandiam ǁ more solito, Ende dit vercoopen, opdragen, ǁ overgeven, ende affgaen, altoos voor goet, vast, ǁ stentich, ende onverbreeckelijck van weerden ǁ te houden, ende te doen houden, sonder eenich ǁ wederseggen, Ende allen commer, calangie, ofte ǁ aentael hierinne wesende, ofte van sijnen t'we ǁ gen comende den cooper aff te doen t'eemael, ǁ sonder argelist, Oirconde sijn hier over geweest ǁ Johannes Huttenis ende Richard Versteech Johan ǁ van den Brouck schepenen in Tilborgh ende Goirle ǁ die den segel huns gemijn schependoms onder aen ǁ desen brieff hebben doen hangen int jaer ons Heeren ǁ een duijsent ses hondert achtentsestich, eenender ǁ tich daegen inde maent december

P.A. van Gilse ǁ 1669

Dorsale aantekening:

Gifte ofte ǁ transport ǁ voor ǁ Seigneur Willem ǁ Gerits de Roij ǁ 1668