's-Hertogenbosch

Willem Daniels Willems woonende tot Tilborgh heeft mits ǁ desen gelooft als schuldenaer principael op verbant van zijnnen persoon ende alle zijnne goederen present ǁ ende toecomende Jacobus Huijgermans coopman binnen dese stadt de somme van twee hondert carolus gulden tot ǁ twintich stuijvers goets permissie gelts elcken gulden gereeckent van heeden date deses over een jaer ǁ metten intrest vandien tegens ses ten hondert te voldoen ende te betaelen, ende binnen dese stadt vrij van ǁ alle lasten egeene uijtgescheijden te leveren sonder langer uijtstel off oock eenich tegenseggen ǁ in recht oft daer buijten overmits d'oprechte deughdelijckheijt deser schuldt als procederende ǁ van goede geleende penningen bij den voors. gelovere te danck, ende tot sijn contentement ende gerieff vande ǁ voors. Huijgermans gehadt ende ontfangen, soo deselve gelovere dat verclaerde ende bekende ǁ mits desen, mede gelovende op verbant als voors., in cas hij ten voors. termijne de voors. ǁ somme niet en compt te restitueren daer van interest als voor te sullen betaelen pro rata ǁ des tijts toe de volle restitutie toe, Getuijgen waren hier over schepenen inne ǁ s' Hertogenbossche Pieter van Tesselen ende Joost Aertssen Canters, gegeven den derthienden ǁ dach der maent van december int jaer ons heeren duijsent ses hondert ende ǁ vierentsestich.

J. vander Meulen 

Linkermarge:

Debet sigillum ǁ mits de gecommitteerde ǁ daer van waeren ǁ onversien.

200 ǁ 238 ǁ 19 - 6 ǁ 4-apr ǁ 461 -10 ǁ 496 ǁ 461 - 10 ǁ 34 - 10

Dorsale aantekening:

Thilborch ǁ scheepenen schuldtbrief ǁ van 200 gulden capitael ǁ ten lasten van Willem ǁ Daendels aende ǁ Veldhove  no 50