Tilburg

Steven Willem Stevens Een dordendeel in een halff buijnder ǁ beempts in die Ghijlsche vucht hier toe een dordendeel in een ǁ buijnder beempts in die Sporct in dat Tilborchse broeck alsoe ǁ hij zeede gelijck dat in scepenen brieven van Tilborch daer op gemaect ǁ begrepen staet heeft hij vercoft overghegeven ende opgedragen ǁ meester Jan vanden Borch tot behoeff Peter Harman Heijsten z. ǁ te samen met allen scepenen brieven vorwaerden ende rechten ǁ mencie makende ende gewach doende helmelingen daer op ǁ verteghen als dat behoerlick ende recht is Ende heeft geloeft ǁ Steven vercooper voers. dit overgeven opdragen affgaen ende ǁ vertijen vast ende stendich te houden Ende allen commer ende ǁ calaengie van sijnen weghen aff te doen den selven uut ǁ ghenomen uuijten dordendeel in een halff buijnder beempts ǁ dat dordendeel van eenen halven braspenninck erfchijns ende ǁ uuten dordendeel in een buijnder beempts dat dordendeel ǁ van twee stuvers den heere van Tilborch, Oorconden hebben hier ǁ over gheweest Scepenen in Tilborch ende in Goerl Aert ǁ Mercelisz. van Vessem ende Laureijs Henrick Swijsen z. ǁ die den segel hoers ghemeijns scependoms desen brieve ǁ op en aen hebben doen hangen int jaer ons heeren dusent ǁ vijfhondert ende acht opten lesten dach in novembri

Dorsale aantekening:

Steven Willem Stevense een dordendeel in een half buijnder ǁ beemd