Vindplaats van het origineel
Tilburg, Regionaal Archief Tilburg, toegangsnummer 1428, Charterverzameling Tilburg, inv. nr. 172.
22 januari 1350
Transcriptie
Universis presentes litteras inspecturis Walterus, Dei paciencia abbas, conventusque ecclesie beate Marie Tongerlensis, Premonstratensis ordinis, ǁ Cameracensis dyocesis, salutem in Domino cum notitia veritatis.
Quoniam bone memorie Arnoldus Bertoldi Bac ad augmentum divini cultus ǁ caritatis ductu altare quoddam in ecclesia parrochia[li de] Westilborch, Leodiensis diocesis, in honore beatissime Dei genitricis Marie ac ǁ Katerine virginum, de bonis a Deo sibi datis nuper do[taverit] ac fundaverit consensu legitime coniugis interveniente, nos attendentes pie-ǁ tatis affectum eiusdem de gratia speciali concessimus et conf[***] Iohanni Bac, filio eiusdem Arnoldi et eiusdem uxoris legitime, ut ǁ dictum altare, quocienscumque vacare contigerit, conferre valeat [***] presentare quemcumque ydoneum quamdiu idem Iohannes vitam duxerit in humanis. Postquam vero idem Iohannes debitum universe carnis persol[*** no]s, abbas, nostrique successores abbates huius ecclesie, tamquam veri patroni ǁ ad quos eiusdem altaris collatio seu presentatio pertinere dinosci[tur ***] iure, promittimus bona fide dictum altare quotienscumque vacaverit conferre ǁ uni scilicet ydoneo de consanguinitate dicti Iohannis et non alteri et eum ad id presentare.
In cuius rei testimonium et ut premissa robur ǁ obtineant perpetue firmitatis nos, abbas, et conventus predicti sigilla nostra presentibus litteris duximus apponenda.
Datum ǁ anno Domini millesimo CCCmo quadragesimo nono, mensis ianuarii, die vicesima secunda.