Oisterwijk

[1428_0170_001]

In nomine Domini amen. Tenore presentis publici instrumenti cunctis pateat evidenter quod anno a nativitate eiusdem Domini millesimo quadringentesimo quinquagesimo secundo indictione decima quinta mensis au- ǁ gusti die vicesima prima hora vesperarum vel quasi pontificatus sanctissimi in Christo patris ac domini nostri domini Nycolai[1] divina providencia huius nominis pape quinti anno sexto in presencia testium infrascriptorum ad hoc vocatorum specialiter et ro- ǁ gatorum coram me notario infrascripto commissario siquidem in ea parte venerabilis viri domini mei domini archidiaconi Campune in ecclesia Leodiense et hoc vigore certarum suarum commissorialium litterarum, quibus hoc presens publicum instrumentum insigitur specialiter ad infrascripta ǁ facienda ut in eisdem commissorialibus litteris tangitur specialiter dato et deputato personaliter constituto Henrico filio legitimo Wilhelmi de Beke, clerico Leodiensis dyocesis, minore quatuordecim maiore tamen octo annis sue etatis unacum provido et discreto viro ǁ domino Johanne Back, presbytero commorando in Tilborch. Idem Henricus minor michi commissario infrascripto in vim commissionis ut premittitur michi facte supplicavit quatenus prefatum dominum Johannem ad prosequendum nomine ipsius minoris et pro ipso quascumque ǁ graciam seu gracias presentacionem, collacionem, assignacionem, provisionem, investituciam, possessionem, recepcionem et admissionem ecclesiastici beneficii seu beneficiorum dignitatisve seu dignitatum officii vel officiorum ecclesiasticorum sibi minori vel de se factas aut quonlibet faciendas ǁ necnon ad gerendum lites et causas beneficiales pro se et contra se motas aut movendas aliaque faciendas, expediendas et exercendas, que in hiis et ea tangendas oportuna esse necessaria seu contingendas censeri posserunt sibi minori in curatorem dari pro me tamquam dicti ǁ domini archidiaconi in ea parte commissarium et deputari necnon eidem ad constituendum procuratores inferius nominatos ad pretacta et infrascripta facieri auctoritatem dicti domini archidiaconi michi in ea parte commissam impertiri ipsumque minorem in vim pretacte commissionis ǁ auctorizare dignarer et vellem officium michi in ea parte commissum humiliter implorante, unde ego, commissarius infrascriptus, in vim commissionis michi ut premittitur facte, attendens quod iusta petentibus non est denegandus assensus peticioni ǁ pretacte tamquam iuri et racioni consone favorabiliter annuendo recepto prius a prefato domino Johanne debito et solito in ea parte iuramento presertim de et super eo quod ipse commoda et utilia dicti Henrici minoris faciet et promovebit eiusque dampna nociva ǁ et inutilia vitabit et elongabit pro suo posse salvo semper quod ipse in premissis uti poterit veritate eumdem dominum Johannem presentem et in hoc expresse consencientem prefato Henrico minori ad prenarrata et infrascripta facienda cum universis et singulis suis ǁ emergendis, incidendis, dependendis et connexis concessi, dedi et deputavi concedoque, do et deputo per presentes in curatorem. Et nichilominus prefatus minor eidem auctoritatem dicti domini archidiaconi michi ut premittitur commissam, vice et loco eiusdem domini archidiaconi ǁ ad prenarrata facienda et ad constituendum procuratores subscriptos tenore presencium elargiendum eundem minorem ad hoc in vim prenarrate commissionis auctorizo cum consensu et auctoritate dicti domini archidiaconi et dicti sui curatoris melioribus via, modo, iure, causa et ǁ forma, quibus melius et efficacius potuit et debuit potestque atque debet fecit, constituit et solempniter ordinavit honorabiles viros Nycolaum Witte, Nycolaum Sonck, dominum Cornelium de Merica, Henricum Boextel, Adam de Poestel et ǁ Walterum Egidii licet absentes tamquam presentes et eorum quemlibet insolidum suos veros, certos et legitimos procuratores, actores, factores negociorumque suorum gestores et nuncios speciales et generales, ita tamen quod specialitas generalitati non deroget nec e contra ǁ et quod non sit pocior condicio occupantis, sed quod per unum ipsorum inceptum fuerit per alterum eorundem prosequi valeat mediari et finiri ad prosequendi et effectui debito mancipandam graciam seu gracias quascumque apostolica ordinanciave aut alia qua- ǁ cumque auctoritate a quocumque seu quibuscumque collatore, collatrice, collatoribus seu collatricibus civitatis et dyocesis Leodiensis aut curia alterius quarumlibet civitatis et dyocesis de quocumque beneficio et officio seu quibuscumque beneficiis et officiis ecclesiastico seu ecclesiasticis, ǁ vacante vel vacaturo, vacantibus vel vacaturis, spectante vel spectantibus sub quacumque verborum forma ad dictorum collatorum seu collatricum collaciones eciam de canonicatibus sub expectacione prebende quarumlibet ecclesiarum civitatum et dyocesum ǁ predictarum et cuiuslibet ipsarum dicto minori constituenti factam seu factas, faciendamque seu faciendas. Et eciam quodcumque seu quecumque beneficium seu officium, beneficia seu officia ecclesiasticum seu ecclesiastica, vacans vel vacaturis, vacancia vel vacatura spectansque ǁ aut spectancia sub quacumque forma ad dictorum collatorum seu collatricium collaciones etc. canonicatus et prebende quarumlibet civitatis et dyocesis predictarum et cuiuslibet ipsarum dicto minori constituenti vigore dicte sue gracie seu dictarum suarum graciarum ǁ competentis et competituris cum et sub protestacione in ea parte requisitis impetrandum et obtinendum atque illos, illud et illa eodem nomine acceptandum sibique minori constituendum de illis et quolibet eorum per iudices, executores aut subexecutores in hoc deputatos et ǁ deputandos seu deputatum et deputandum provideri ac illos, illud et illa cum solempnitatibus requisitis eidem minori constituenti conferiri et assignari cum plenitudine eciam iuris canonice pecendi, faciendi et obtinendi et cum protestacione in ea parte debitis et re- ǁ quisitis. Et ulterius ipsum minorem constituentem ad illos, illud et illa cum solempnitatibus in talibus adhiberi consuetis admitti pecendi et faciendi necnon illorum corporalem, realem et actualem possessionem pro ipso minore constituente, intrante, nanciscente et ǁ exequente cum omnibus suis iuribus et pertinenciis universis necnon in animam dicti minoris constituentis et pro ipso de observandis statutis ac consuetudinibus ecclesie seu ecclesiarum in qua seu in quibus canonicatus et prebendatus, beneficium et officium seu canonicatus ǁ et prebende, officia seu beneficia huiusmodi situati, situate seu situata fuerint. Quoque ipse minor constituens sit libere condicionis et de legitimo thoro procreatus et aliud quodcumque aptum et requisitum in hiis iuramentum prestandis. Et insuper illos, illud et ǁ illa causa seu causis permutacionis aut permutacionum canonice et non alias aut alio modo cum quacumque persona seu quibuscumque personis ad quoscumque canonicatum et prebendam, beneficium, officium seu canonicatus et prebendas, beneficia et officia ecclesiasticum ǁ seu ecclesiastica secunda, tercia et quarta manu aliasve sub quacumque iuris forma facienda seu faciendarum in manibus illius vel illorum cuius vel quorum huiusmodi resignacio vel resignaciones fieri competit seu competant seu super hiis potestatem habentium re- ǁ signandi et permutandi necnon et tales, tale et talia canonicatum et prebendam, beneficium, officium seu canonicatus et prebendas, officia et beneficia ex causa seu causis permutacionis seu permutacionum huiusmodi vigore dicti minoris constituentis nomine et ǁ pro ipso acceptante atque eidem minori constituenti de illo seu de illis provideri faciente. Preterea in animam dicti minoris constituentis et pro ipso de observandis statutis et consuetudinibus ecclesie seu ecclesiarum, in qua seu quibus canonicatus et prebenda, officium, beneficium ǁ seu canonicatus et prebende, beneficia et officia ut immediate premittitur situati, situate, situatum seu situata fuerint, quod in pretactis permutacionis seu permutacionum negociis non intervenerit fraus, collusio, illicita pactio aut symoniaca, pravitas aliaque ǁ quecumque in hiis iuramenta requisita et oportuna prestanda et facienda causasque et raciones ex causa seu causis permutacionis seu permutacionum huiusmodi docente, si opus fuerit, proponente et allegante admissionemque et possessionem corporales huiusmodi canonicatus, ǁ prebende, beneficii et officii, beneficiorum et officiorum recipiendorum atque ad illos, illud et illa dictum minorem constituentem admitti pecendi et faciendi cum suis iuribus et pertinenciis universis ac omnibus et singulis suis emergendis, incidendis, dependendis et connexis atque ǁ litteras, bullas, processus, acta, instrumenta, munimenta quascumque dicto minori constituenti de et super pretactis suis graciis et aliis prenarratis seu eorum altero et horum seu cuiuslibet ipsorum occasione concessas quonlibet et per eum obtentas concedendas et obtinenendas ǁ omnibus et singulis illis quorum interest, intererit seu interesse poterit publicandi, insinuandi, notificandi, intimandi et exequi faciendi iuxta eorundem continenciam, vim, formam et tenorem necnon ad exigendum et percipiendum ac levandum omnes et singulos fructus, ǁ redditus et proventus dictorum beneficii et officii, canonicatus et prebende, beneficiorumve officiorum, canonicatuum et prebendarum et cuiuslibet ipsorum quem, quos, quam, quas, quod seu que ipsum minorem constituentem occasionem prenarratorum consequi et habere ǁ contigerit a quibuscumque personis terras quoque curtes, domos, prata et alia bona quecumque ad illum, illos, illam, illas, illud vel illa spectantes et pertinentes ad accensam firmam seu arrendam personis quibuscumque dandum, concedendum indeque convenendum ǁ pacta et obligaciones faciendas et ad obligandum ipsum minorem constituentem in et super prenarratis firmiter observandis adimplendis quitanciasque de perceptis et levatis dandum et pactum de ulterius rem habitam non petendam, faciendam atque graciam seu ǁ absenciam, si opus fuerit, pecendam et obtinendam. Et insuper, si necesse fuerit, pro premissis omnibus et singulis in quacumque curia seu curiis quibuscumque coram quocumque eciam iudice seu iudicibus quibuscumque ecclesiastico seu ecclesiasticis nomine dicti minoris ǁ constituentis ageni comperendi ipsumque et sua iura in omnibus et per omnia defendenda libellum seu libellos et quascumque peticiones summarias dandum et recipiendum darique et recipi videndam litem seu lites contestandas  et contestari videndum et iurandum ǁ et deliberandum iurandumque ac deliberandum videndum de calumpnia vitanda et veritate dicenda, eum omnibus et singulis clericis capitulis in et sub calumpnie iuramento contentis et cuiuslibet alterius communis licitum, solitum et honestum iuramentum in animam ǁ dicti minoris constituentis prestandum et ex adverso prestari videndo libello et peticionibus partis adverse rundendum suisque runderi pecendum et obtinendum contra articulos partis adverse dicendum, excipiendum et replicandum suosque admitti et partis adverse re- ǁ ici petendi testes, litteras, instrumenta et quecumque alia probacionem, graciam producente et produci videndum declarandumque et declari videndum contra personas testium et eorum dicta ex adversoque dicta et declarata et contra quecumque ex adverso producta dicendum, ǁ excipiendum, replicandum, duplicandum, triplicandum et quadruplicandum crimina et defectus opponendum et probandum in causa seu causis huiusmodi concludendum et renunciandum concludique et renunciari pecendum et audiendum summam seu summas tam interlo- ǁ cutorias quam diffinitivas ferri pecendum et audiendum et ab ea seu eis et a quocumque alio gravamine illato vel inferendo provocandum et appellandum appellaciones semel et pluries petendum et recipiendum causam seu causas appellacionis aut ǁ appellacionum huiusmodi prosequendum, intimandum, notificandum, insinuandum, tociens quociens opus fuerit, expendum, taxari, pecendum et super illis, si necesse fuerit, iurandum beneficium, absolucionem et restitucionem in integrum simpliciter vel ad cautelam ǁ a quibuscumque sententiis latis ferendis, petendis et obtinendis de loco et iudicibus convenientes et concordantes iudices, notarios et locci eligendos ipsosque et ipsam suspectos recusandos et suspectionem causam allegandam unum quoque vel plures ǁ procuracionem seu procuraciones loco sui substituendi eumque vel eos revocandi et onus sive officium procuracionis huiusmodi in se iterum reassumendum tociens quociens ipsis procuracionibus aut eorum alteri placuerit et visum finiter expedire. Et generaliter omnia ǁ et singula alia facienda, dicenda, gerenda, exercenda et procuranda que in premissis et circa ea necessaria fuerint seu quonlibet oportuna et que ipsemet minor constituens faceret seu facere posset et deberet si premissis omnibus et singulis presens et ǁ personaliter interesset. Eciam si talia fuerint que a iure mandatum exigerint magis speciale quam presentibus est expressum premisit, insuper dictus minor constituens in manu mei notarii publici subscripti tamquam persone publice et auten- ǁ tice rite atque legitime stipulantis et recipientis vice et nomine omnium et singulorum quorum interest vel intererit quonlibet in futurum se ratum, gratum atque sumum perpetuo habiturum esse omne id et quidquid per dictos suos procuratores ac ab eisdem ǁ seu eorum altero substituendo dictum actum, factum gestumve fierent in premissis aut quonlibet procuratum ipsosque et eorum quemlibet relevans et relevare volens ab omni onere satis dandum iudicioque sisti et iudicatum solvi cum singulis clausulis ǁ necessariis et oportunis sub ypotheca et obligacione omnium bonorum suorum, presentium et futurorum, super quibus dictus minor in presencia et de consensu dicti sui curatoris sibi a me notario publico infrascripto fieri peciit unum vel plura ǁ publicum seu publica, si opus fuerit, instrumentum seu instrumenta. Acta fuerunt hec in villa de Oesterwijck dicte Leodiensis dyocesis in hospicio ad signum Leonis sub anno, indictione, mense, die, hora et pontificatu quibus ǁ supra, presentibus ibidem una mecum providis et discretis viris domino Wijtmanno Wijtmans, presbytero, Wilhelmo de Wijflit, Gerardo de Berke, armigeris, et Martino Leens, laycis, testibus supradicte Leodiensis dyocesis ad premissa ǁ vocatis specialiter et rogatis.

Et ego Nycolaus Jungelinx, presbyter supradicte Leodiensis dyocesis, sacra imperiali auctoritate publicus et venerabilis curie Leodiensis notarius iuratus, quia in vim ǁ commissionis michi ut premittitur facte prefatum dominum Johannem Back modo et forma premissis dicto Henrico minori concessi, dedi et deputavi in curatorem ǁ dictumque minorem ad premissa facienda in vim prenarrate commissionis auctorizari ac ceteris aliis premissis omnibus et singulis dum sic ut premittitur fierent et age- ǁ rentur una cum prenominatis testibus presens interfui eaque sic fieri vidi et audivi. Idcirco hoc presens publicum instrumentum sigillo meo proprio sigillatum et manu mea ǁ propria scriptum exinde confeci, publicavi et in hanc formam publicam redegi dictisque litteris commissorialibus dum michi transfixi signoque et nomine meis solitis et consuetis ǁ signavi in robur, fidem et testimonium omnium et singulorum premissorum rogatus et requisitus.

[ondertekend met monogram]