Vindplaats van het origineel
Regionaal Archief Tilburg, toegangsnummer 1428, Charterverzameling Tilburg (en Goirle, Berkel-Enschot en Udenhout), inv.nr. 35.
19 maart 1539
Samenvatting oorkondetekst
Akte van machtiging voor schepenen van Tilburg en Goirle, door Marie, weduwe van Anthonis Peterss. van Boerden, haar zonen Anthonis, Jan, Cornelis en Peter Willem, zoon van wijlen Thys Jan Thyssoen, als man van Marij, en Pauwels Laureys Snijers zoen, als man van Kathelyn, kinderen van Anthonis Peterss. van Boerden, van Cornelis, zoon van wijlen Peter sBeren, om voor hen de belangen te behartigen m.b.t. een jaarlijkse rente van vijftien karolus gulden, welke rente Anthonis Peterss. van Boerden en Adriaen Adriaen Crillaerts eertijds schuldig waren aan Henrick van der Hommelheze, koster van de Sint Jan te ’s-Hertogenbosch, maar waarvan Margriet van Haestricht, weduwe van Robbrecht van Malssen, hen had ontheven.
Transcriptie
Marie weduwe wilnere Anthonis Peterssen van Boerden met haeren gecozen mombair ende vanden rechten hoer gegeven alsoe recht is, ende met ǁ haer Anthonis, Jan, Cornelis, ende Peter gebruederen haer zoenen Willem zoen wilner Thys Jan Thyssoen als man ende mombair Marijen ǁ synder huysvrouwen, ende Pauwels Laureys Snijers zoen als man ende mombair Kathelynen synder huysvrouwen kynderen wil ǁ neer Anthonis Peterssen van Boerden ende Marie synder huysvrouwen voerscr. hebben volcomen macht aucthoriteyt ende sunder ǁ linge bevele gegeven, ende midts desen geven sy volcomen macht aucthoriteyt ende sunderlinge bevele Cornelisen zoen wilneer ǁ Peters sBeren, om inden naem ende van hunre wegen te mogen compareeren ende staen voer allen persoenen ende te vervolgene alsulc ǁ ken actie ende recht als die voersc. weduwe met haeren kynderen hebben aengaende eender jaerlycker renten van vijfthien ǁ karolus gulden twen[tich] stuiver den carolusgulden voers. gerekent, welcke rente ǁ voersc. ende Adriaen Adriaen Crillaerts zoen tsamen geloeft hadden te betalen ende gevest hadden eenen genoempt Henrick vander ǁ Hommelheeze coster van Sint Jans tot tsHartogenbossche, ende dat voer wilnere joffrouwen Margrieten van Haestricht weduwe ǁ Wilnere Robbrecht van Malssen, van welcker renten ende geloeften voersc. die voerscreven joffrou Margriet geloeft ǁ hadde Anthonisen ende Adrianen voersc. costeloes ende scadeloes te ontheffen ende de selve alsoe te gelden ende te betalen ǁ datter sy hun gueden noch naecomelingen nimmermeer daer aff scade commer noch last aff lyden off hebben en souden gelyck ǁ als dat in scepenen letteren van tsHertogenbossche volcomelycker begrepen staet soe sy seeden, Om dese selve actie te ǁ vervolgene gevuechelycken ende rechtelycken tot allen plaetsschen ende voer allen persoenen ende richteren tzy geestelycken ǁ oft wereltlycken daert behoren sal, soe verre der weduwen ende haeren kynderen voersc. dat aengaende is, Ende voerts ǁ allent tgeen daer inne ende mede te doene, dat sy constituanten selver inden persoene present ende tegenwoirdich synde ǁ souden cunnen oft mogen doen, gelovende die voersc. weduwe met haeren kynderen als principael schulderen op hun ende ǁ op allen hun gueden nu tegenwoirdich hebbende ende noch naemaels vercrijgende soe wes by den voersc. Cornelisen hun ǁ nen gemechticht gedaen sal wordden dat vast ende van weerden te houden ende daer tegen nimmerm[eer] te doende in egeender ǁ manieren, ende den selven daer aff te ontheffen scadeloes ende costeloes, beheltelycken dat hy Cornelis constituyt voers. ǁ goede rekeninge ende bewys sal doen vanden geenen des hy gedaen ende hem ondermijnden sal sonder argelist, Des ǁ toirconden soe hebben wy Laureys Henrick Zwysen zoen ende Jan die Vet Scepenen in Tilborch ende Goerle den zegel ǁ ons gemeyns scependoms desen brieve van procuratien op en aen doen hangen inden jaere ons heeren duysent vyff ǁ hondert seven ende dartich den negenthiensten dach inden mert