Terheijden

Wij Cornelis Adriaen Rombouts zone ende Merten Cornelis Aerts zone schepenen Ter Heijden, oirconden ǁ dat voor ons quam Willem Harman Lenaerts zone, ende lijde dat hij vercoft heeft om den somme van ǁ gelde die hem vol ende al betaelt is Gheriden vanden Broeck schepen in Breda tot behoef van Wouteruijt ǁ Meermans zijn huijsfrou, een jaerlicxe rente van vijfentwintich karolus gulden t'stuck tot veertich ǁ grooten vleems te gelden ende te betalen der voorgen. Wouteruijt Mermans ende heuren naecomelingen ǁ alle jaer t'sint Mertens dage inden winter vrij suijver ende ombelast van alle schoten beden X^e XX^e C^e ǁ oft andere dijergelijcke penningen ende voorts van alle andere impositien ende zonder ter saecken van dijen ijet ǁ in te houden oft te cortten, ende dijerste rente daer af zal verschijnen t'sint Mertens dage ǁ inden winter int jaer XV^c zevenentseventich naestcomende, uut ende op een stuck weijden oft ǁ lants houdene omtrent zesthien gemeten onder andere vande erfgenamen wijlen Henrick Montens ǁ des ouden gecoft ende vercregen zijnde alzoo groot ende cleijn alst gelegen is in Hooch Crauwelsgorss ǁ onder Der Heijden, oostwaert aen Olivier Gherits erve oick vande zelve erfgenamen gecoft ende ǁ vercregen zijnde, zuijtwaert aenden wech, westwaert comende opte crecke, ende noortwaert aen ǁ sheeren lant, te vrijen ende te waren den onderpant voors. mette vercofte vijfentwintich ǁ karolus gulden jaerlicker renten voors., ende met sheeren chijns daer jaerlicx voor uutgaende ǁ zonder ennigen anderen commer, behoudelick dat hij medepandt ende bijpant blijven zal daer ǁ hij met recht schuldich is medepant oft bijpant af te zijn, ende voorts geloofde de voorgen. ǁ Willem Harman Lenaerts zone den onderpant voors. altijt goet genoch te houden ende te maecken ǁ voorde vercofte vijfentwintich karolus gulden jaerlicker renten voors. met alle zijn andere ǁ goeden ruerende ende onruerende die hij nu ter tijt heeft ende naemaels vercrijgen zal mogen ǁ die hij oick daer voor verbijnt, met vorwaerde dat men dezelve vercofte vijfentwintich ǁ karolus gulden jaerlicker renten altijt lossen ende afquijten zal mogen elcken penning erffelick ǁ met zesthien gelijcke penningen eens te geven opten verschijndach voors. ende mette verschenen rente, ǁ ende de voorgen. Gherit vanden Broeck oick mede voor ons schepenen voors. jegenwoordich ǁ staende consenteerde willecoorde ende gaf over voor hem ende voor zijn naecomelingen dat ǁ de gecofte vijfentwintich karolus gulden jaerlicker renten voors. altijt staen gaen ende ǁ succederen zullen ten zelven recht ende natuere gelijck der voorgen. Wouteruijt Mermans ǁ zijnre huijsfrou oude erfgoeden van heur zijde alleen gecomen naden lantrecht van Breda ǁ behoiren te gaen ende te succederen, want alle de cooppenningen daer af van heuren twegen ǁ alleen gecomen zijn zoo hij bekende, in welcke vercofte vijfentwintich ǁ karolus gulden jaerlicker renten voors. de voorgen. Gherit vanden Broeck tot ǁ behoef vande voors. Wouteruijt Mermans zijn huijsfrou gevest is ende toegedaen met ǁ vonnis ende met recht, zoo datse heur zeker zijn ende vast, met vorwaerde dat zij hier ǁ af doen zal alle gebuerlick recht. In oirconden desen brieve met onse segelen ǁ bezegelt, int jaer ons heeren duijsent vijfhondert zessentseventich, twelf dage ǁ in decembri ǁ B.C. Zwarck ǁ

In margine:
Dese rente is geǁlost ende affgequijt ǁ soo opt registre breeder ǁ te sien ende genoteert ǁ is den XV^e meije 1612 ǁ

In dorso:
Wouteruijt Meermans ǁ
vande XXV gulden op wijlen Harmans s. ǁ