Mechelen

Charles par la grace de dieu roij de Castille, de Leon, d'Arragon, des deux Sicilles, de Hierusalem, Portugal, Navarre, Grenade etcetera ǁ archiducq d'Austrice, ducq de Bourgogne Lottier Brabant etcetera comte de Flandres, d'Artois, d'Haijnault, et de Namur, seigneur de Salins, et de Malines, dominateur ǁ en Asie, et Affrique, au premier notre huissier, ou sergeant d'armes sur ce requis salut, receu avons l'humble supplication de dame Magdalaine Francoise tSerclaes ǁ de Tilly comtesse de Bouchove, comme mere, et tutrice des enffans delaissez par feu messire Thomas d'IJmersele, vivant comte dudit Bouchove, contenante ǁ que suivant le codicil, de feu messire Jean de Montmorencij vivant prince de Robecq etcetera a feue dame Heleine de Montmorencij fille dudit deffunt a est d' assigné ǁ pour changement de partage la somme de deux mille florins de rente au foeur, et rachapt du dernier 20 faisant en capital quarante mille florins, à prendre sur ǁ le partage, et a la charge de son fils aisne messire [***] Francois, auquel partage en vertu d'une clause de substitution inseree au testament mentionné par ledit ǁ codicil, est depuis succedé le prince de Robecq moderne, qui at commencé de paijer quelques cours, et arrierages deladite rente partagere, dont la suppliante ǁ at droit et action en qualité de mere et tutrice des enffans dudit Thomas d'IJmersele, aijant la suppliante esté dans l 'attente que les cours de ladite rente ǁ auroint esté continuez, et que pour son asseurance ledit prince moderne luij auroit donné hypothecque speciale, sans preiudice de la generale affectee ǁ pour telle rente partagere, mais comme il semble n'estre incliné nij a l'un nij a l'autre, et que la suppliante et ses successeurs par ce deffaut poudroint ǁ souffrir interest et preiudice irreparable, elle nous at bien instament requis nos lettres patentes d'adiournement, au cas pertinentes, pour ce est ǁ il, que nous ce consideré vous mandons, et commettons par ces presentes, qu'a la requete de laditte suppliante adiournez ledit prince de Robecq moderne ǁ a estre, et comparoir a certain, et competent jour pardites nos tres chers, et feaux les president, et gens de notre grand conseil, pour illecq oijr telles ǁ demandes fins, et conclusions, que laditte suppliante voudra au jour servant contre luij faire prendre, et eslire a la cause avant dicte, ij respondre, et conclure ǁ au contraire, si bon luij semble proceder, et finablement veoir ordonner comme il appartiendra par raison, en certiffiant suffisament audit jour lesdit ǁ de notre grand conseil de ce que fait en aurez, ausquels mandons, et commettons de faire aux parties, icelles ouijes bon brief droit, et expedition ǁ de justice, car ainsi nous plaist il, donné en notre ville de Malines le deuxiesme de septembre XVI^c septante six, et de nos regnes le XIdit [***] ǁ Par le roij ǁ a la relation du conseil ǁ BG[**] Moers ǁ

In dorso:

La dame comtesse de ǁ Bouchove ǁ contre ǁ le seigneur prince de Robecq ǁ 3 octobre 1676 ǁ Eivrard ǁ C XXXIII ǁ

Los deel:
Relaye par moij huissier d'armes[***] raades ǁ des prese et grands conseilz de sa majeste[***] ǁ resident de S(ain)t Omer soubs ǁ qu'en vertu des lettres pattentes d'adjournement ǁ obtenues par dame Magdalaine Francoise ǁ tSerclaes de Tilly comtesse de Bouchove ǁ comme mere et tutrice des enffans delaissez ǁ par feu messire Thomas d'IJmersele vivant ǁ comte dudit Bouchove en datte du ǁ deuxiesme de septembre XVIc septante ǁ six cij jointes, jaij adjourne le ǁ seigneur de Robecque moderne en ǁ parlant au sieur Sebastien son secretaire ǁ en son domicille le seiziesme de septembre ǁ dudit an, e estre et comparoir aux ǁ plaids quils se tiendront audit grand ǁ conseil le treiziesme d'octobre prochain ǁ dudit an pour [less] respondre aux fins ǁ et conclusions contenues [des] lettres ǁ pattentes desquelles et de mes exploicts ǁ jaij audit adjourne [et] delivre copie ǁ J.S. Sereant ǁ