Oosterhout

Wij Bernaert Janssone van der Spaut ende Jan Janss. de Metser sceepenen in Oisterhoudt orconden ende kennen dat voer ǁ ons quam Jan Peeter Jacopss., kende ende lijde dat hij vercoft heeft om een somme van gelde dije hem vol ende ǁ al betaelt was Adrianen Jan Adriaenss. van Ghilze, twalff lopenssaet beempden geleegen Stelo binnen dijcx ǁ in drije parceelen ende zijn daeraff de zess lopenssaet geleegen Cornelis Jan Dielis erve westwart, Martin Goyvaerts z. ǁ ende meer andere oist ende noirtwart, Ende Alart Adriaen Dircxss. erffgenamen erve zuijtwart, Ende noch drije lopenssaet geleegen ǁ Martin Govartss. met zijnen erve aende noirtzijde ende Dirck Adriaen Zweerts erffgenamen aende zuijt zijde, hodende westwart ǁ opten waterlaet ende oistwart op Mathys Jan Godertss. ende meer andere erven, Noch drije lopenssaet beempden oick aldaer ǁ geleegen Dirck Adriaen Sweerts erffgenamen noirt, De voirs. drije lopenssaet zuijt, Heyn Peeter Heynen erffgenamen oist, ǁ Ende den gemeijnen waterlaet westwart, te vrijen ende te waren de vercofte erffenisse voers. met heeren chijns ǁ ende vijftalven stuvers erffchijns, zeevendalff lopen rogs erffpachts, ende vyer Ryns gulden dije de kijnderen Jans Gysels ǁ daer jaerlicx op zijn heffende int geheel jairlicx uuijt gaende, Ende zullen medepant ende bijpant blijven, Ende ǁ weeghen ende steeghen daerse van rechts weegen behoeren, In welcke twelff lopenssaet beempden voers. de voirnoemde Adriaen ǁ Jan Adriaenss. van Gilze gevest ende gheerft is met vonnisse ende met rechte, Alsoe dat hem dije zeeker zijn ǁ ende vaste met voirwaerden dat hij daeraff schuldich ende gehouden zal zijn te doen ende te geeven alle schoten, beeden ǁ ende gebuerlijcke rechten tOisterhoudt, In orconden deesen brieve met onse zeegelen beseegelt, Int jaer ons Heeren ǁ duijsent vijffhondert drije ende tzestich opten tweeden dach aprilis Ludich stijle ǁ