Oosterhout

Wij Gerit Willems ende de prijcher ende Bernart Janss vanden Spant scepenen in Oisterhoudt orconden ǁ ende kennen dat voir ons quam Mechtelt Jan Noel Nijs [***] met Henricka Wouter Peijnenborchs ǁ haren man ende voight kende ende lijde dat zij vercoft heeft om een somme van gelde dije ǁ haer vol ende al betaelt was Anthonissen Anthonis Hankers ende de dordalff lopensaet ǁ landts in deess sceepen brieve begrepen, haer aengecoemen ende bestorven bij dode van haren vaeder ǁ ende moeder ende daerop zij bedeelt was (alzoe zij zeijde) geleegen ten Houdt opte ackeren, tot ǁ alzulcker plaetsen, met alzulcker waernisse, ende voirts in alle der zelver manieren ende ǁ voirwaerden, als den ouden scepen brieff inhoudt ende begrijpt dan deess met onse seegelen ǁ bezeegelt, meede doirsteeken is ende daer de voirs.  Anthonis inne gevest is met vonnisse ende ǁ met rechte alzoe dat se hem zeker zijn ende vaste in orconden deesen brieve met onse ǁ zeegelen besegelt int jaer ons heren duijsent vijffhondert drijendetzestich opten negenthienden ǁ dach martij ǁ A. Meijers ǁ