Geertruidenberg

Wij Henrick Janss. ende Peter van Blocklant Dircxse scepenen in Sinte ǁ Gertruijdenberghe doen cont allen luijden dat voir den richter ende voir ons sijn ǁ gecomen Joachim Dirck Florens soon ende Peter Dircxs sijnen broeder ende ǁ hebben verleden Marijken Aert van Gasels wedue zess karolus guldens stuck ǁ twintich stuivers op haer beijder aengedeelt van een stuck lants van ǁ achtalff hondt lants so dat gelegen is in den stelosz dijck tegens tverlaet ǁ over, aen Verheij ende Stoeldreijer gelegen zuidwart , tcapittel noortwart, ǁ cartusers westwart ende den dijck oostwart dwelck henluijden aengecomen ende ǁ aengedeelt is bij dode Dirck Floriss haeren vader saliger. Te betalen alle ǁ jaer Philip et Jacobi den ijersten meijdach daer den ijersten termijne aff verscijnen ǁ sal anno een ende veertich, in dese manieren en worde dese chijns alle jaer ǁ ten dage voirs. nijet betalen so mach die thoonder des briefs dat opt lant wech ǁ ende eijgene als een kistpandt ende te moge aflossen sullen sij den voors. chijns ǁ den penninck met veertien ende den chijns daer bij, ende sij beloofen den voors. ǁ chijns te vrijen ende te waren ende allen voirnnoemde erff te doen tot dese dach ǁ thoe. In oirconde dese brijeve besegelt met onsen segels. Int jaer ons ǁ heren dusent vijffhondert veertich den XXVII dach in april ǁ

In dorso:

op Jochum Dircx ǁ VI Rijnsgulden sjaers ǁ Anneken Jacobs onder de Neijengaert ǁ bekenden van desen rentebrieff ten vollen ǁ betaelt ende voldaen te zijne den eersten ǁ pennick metten lesten ende dat door ǁ handen Johan Niclaess Schuijffhell ǁ Cornelis Elincx ende Balthasar Maes ǁ de Laeckere jegenwoirdige ǁ gasthuijsmeesters deser stede versoecken ǁ desen aen mij secretaris gecasseert ǁ te worden. Actum IX februarij ǁ XVI^C ende derthien ǁ Joost Baijens ǁ