Vindplaats van het origineel
Tilburg, Regionaal Archief Tilburg, toegangsnummer 2649, Charterverzameling Geertruidenberg en Raamsdonk, inv. nr. 6.
29 augustus 1397
Samenvatting oorkondetekst
Akte van machtiging door Albrecht, graaf van Holland, van kastelein, schout, schepenen en raden van de stad Geertruidenberg, om alle misdadigers, die binnen anderhalve mijl van de stad aangetroffen worden te vangen, binnen de stad te brengen en te berechten.
Transcriptie
Aelbrecht bi gods ghenaden palensgrave opten Riin hertoghe in Beyeren grave van Henegouwen van Hollant van Zeelant ǁ ende heer van Vrieslant doen cont allen luden dat wi onsen casteleyn schout schepenen ende rade onser ghe ǁ trouwer stede van Sinte Gheerdenberghe of enich van hem ghemachticht hebben ende machteghen met desen brieve ǁ datse alle misdadeghe lude die ghebraect of misdaen hebben teghens ons of teghens onser stede voers. aentasten ǁ vanghen ende in onser stede brenghen moghen van onsen weghen soe waer dat si se vunden zullen binnen ander ǁ halver milen weechs na onser stede voerscr. in onsen lande ende daer over te rechten na sulken broken ende ǁ misdaden alsi misdaen zullen hebben na den recht van onser stede voernoemt ende soe was si daer in van onsen ǁ weghen doen sullen ghelove wi hem vast ende ghestade te houden duerende tot onsen wedersegghen in orconde ǁ desen brieve bezeghelt met onsen zeghele ghegeven inden Haghe op Sinte Ians dach decollacio int iaer ons ǁ heren dusent driehondert zeven ende tneghentich