Brussel

Carel bijder gratie godts ǁ coninck van Castillien, van Leon, van Arragon, ǁ van beijde Secillien, van Jerusalem, van ǁ Portugael, van Navarre, van Napels, van ǁ Grenaede, van Tholeten, van Maillorquen ǁ van Valencien, van Gallicien, van Sevillien, ǁ van Sardanien, van Cordube, van Corsicque, ǁ van Murcie, van Haen, van Algarven, ǁ van Algereije, van Gibraltar, vande ǁ Eijlanden, van Caprien, ende Indijen soo ǁ Orientaele, als occidentaele, vande ǁ eijlanden, ende vasten landen, der zee, ǁ oceane, Ertshertoghe van Oistenrijck, ǁ hertoghe van Bourgoigne, van Lotrijck, ǁ van Brabant, van Limborgh, van Luxemǁborgh, van Gelre, ende van ǁ Milaenien, Grave van Habsborch, van ǁ Vlaenderen, van Arthois, van Bourgoigne ǁ palsgrave van Thirol, van Henegouwen ǁ van Naemen, prince van Savoie, marckǁgrave des heijlichs rijcx van Roomen, ǁ heere van Salins, van Mechelen, ende ǁ dominateur in Asien, ende Affricquen ǁ Allen den ghenen die dese onse opene ǁ brieven sullen sien oft hooren, lesen ǁ saluijt, Alsoo in onsen raade geordonneert ǁ in desen onsen lande, ende hertochdomme ǁ van Brabant, bij Hendrick van Asten, agent ǁ ende procureur van onsen neve, den prince ǁ van Oraigne, waere bij sekere sijne ǁ supplicatie verthoont, ende te kennen ǁ gegeven geobeert in substantie dat die ǁ van sijnen raede ende rekeninghe inden ǁ Haeghe hem hadden toegesonden beneffens ǁ den beslotene missive aldaer gevoeght ǁ uuijt desselffs chartres, een vonnis vanden ǁ jaere veerthien hondert vijftich, met ǁ noch twee andere acten mentionerende ǁ vande gerechticheijt, die van Baerle ende ǁ Beddaff een gehucht daer onder ressorterende ǁ competerende inde heijden, ende vrunten om de ǁ selve acten ende vonnis te vidimeren, midts ǁ deselve oudt waeren, ende onleesbaer mochten ǁ worden, ende dat die ingesetenen van Baerle ǁ ende Beddaff voorschreven, daervan, als hen ǁ privativelijck raekende, mochten worden versien ǁ waeren wij ende sulcx seer oijtmoedelijck ǁ gebeden om onsen vidimus op t'voorschreven ǁ vonnis vanden voorschreven jaere veerthien ǁ hondert vijftich waervan de teneur van ǁ woorde te woorde hier naer volght ende ǁ luijdt aldus, ǁ Philips bijder gratien gods hertoge van ǁ Bourgoignen, van Lothrijck, van Brabant, ende ǁ van Lijmborgh, greve van Vlaenderen, van ǁ Artoijs, van Bourgoigne palatin van Heneghouwen van ǁ Hollant van Zeelant, ende van Namen, ǁ merckghrave des heilichs Rijcx, heer van Vrieslandt, ǁ van Salins, ende van Mechelen, allen den ǁ ghenen die desen brief, sullen sien, oft horen ǁ lesen saluit, Also als van sekeren geschillen die ǁ over lant geweest sijn, tusschen onse goede ǁ lude, ende onderseten, die gebueren ende ǁ ingesetenen van Poppel, ende van Weelde, mit ǁ hunnen mede partien ter eenre zijden, ende ǁ onse goede lude, die gebueren ende ingesetenen ǁ  des dorps van Baerle onderseten, ons liefsǁ neven (getruwen raids Kemerlincx ende ǁ drossete van Brabant, Jans greve tot Nassouw ǁ als here van Breda ter andere, om sekerre ǁ heijden, vronten, oft gemeijnten wille geleghen ǁ tusschen Weelde, ende Poppel, aen deen zijde, ǁ  ende t'voorschreven dorp van Baerle ter andere, in ǁ welcke gemeijnte elc vanden voorschreven partien ǁ meijnde voirder gericht te sijn, dan hem ǁ die andere bekende, die selve partien ǁ onlanx leden verleken sijn gewerden, bij ǁ sekere goede manne eensdeels onse ǁ raiden, die na hunne behoirlike submissie, ǁ dair af in hen gedaen hunne uutsprake ǁ op die voorschreven geschillen, gedaen hebben ǁ gehadt inhoudende onder meer anderen ǁ punten, dat vanden daeghe vanden voirschreven ǁ uutspraken, voirtaen enen termijn, van ǁ vijftich jaeren dair na geduerende, die ǁ innegaen soude te kersmisse doe naistǁcomende, ende nu lest overleden, die voirschreven ǁ partien der voirschreven geheijlre heiden, vroente ǁ oft gemeijnten tusschen Weelde ende ǁ Poppel aen d'een zijde ende Baerle aen ǁ d'ander, souden onder malcanderen mogen ǁ gebruijcken, met hunnen beesten dair op te ǁ wijden, sonder vander eenre sijden, oft ǁ vander andere dair om te moigen werden ǁ belet, geschut, oft beschedicht in enigher ǁ manieren, ende dat binnen den selven tijde ǁ elc vanden voirschreven partien der voirschreven heijde ǁ vroenten, oft gemeijnten, soude moigen ǁ gebruijcken te sijnre sijde weerts, mit heijde ǁ te maeijen, ende torve te slaen, ende ǁ te steken totten veenen toe, hen bijden voirschreven ǁ goeden mannen bewesen, streckende tusschen ǁ wrekels goer, ende den dijck ter eenre ǁ zijden, lijndrecht tot buijten den utersten ǁ kant vanden ghellen te Turnhout wairts aen ǁ ene rode vorre buijten den selven kandt ǁ ende ter andere siden vanden selven putte oick ǁ lijndrecht tot inden loep van Badaff, ende ǁ lanx de selven loep, ende dat elke vanden ǁ voirschreven partien uut hen souden kijesen drieǁ goede vredelicke mans, die samentlic tot ǁ geliken costen van beijden partien souden ǁ doen maken ende graven greefkens, twelliff ǁ voete lanc twee voete wijdt, ende enen ǁ voet diep, op vijff voete na malcanderen ǁ  tusschen den voirschreven putte ende den  voirschreven ǁ utersten cant vanden ghellen aen d'een zijde, ǁ ende den voirschreven loep van Badaff aen ǁ d'ander, allet lijndrecht, also dat bij enen ǁ  gesworen lantmeter ten coste van beijde ǁ den voirschreven partien betogen souden werden ǁ dat dat allet soude moeten volschien, tusschen ǁ den voirschreven dach vanden uutspraken ende Onssen Liever ǁ Vrouwen dach Lichtmisse, doe naistcomende ende ǁ nu oic lest overleden om den voirschreven reen also ǁ bescheidelic te moigen weten, ende dat die voirschreven ǁ vijftich jair overleden sijnde, elc vanden ǁ voirschreven partien soude bliven staende in sijne ǁ goede recht, sonder dat die voorschreven uutsprake ǁ ende t'gebruijck vanden voirschreven vroenten, ende ǁ gemeijnten, navolgende der selver ijemande ǁ te baten, oft t'achterdeele, comen soude ǁ moigen, behoudelic ons ter eenre zijden ǁ  ende den voirschreven onsen neve van Nassou, als ǁ here van Breda, ter andere, ende onsen ende sijnen ǁ erven, ende allen anderen onsen ende hunnen heerlicǁheiden ende reghte totten steden ende plaetsen ǁ toe dair toe die schuldich sijn te strecken ǁ sonder dat die selve uutsprake, dair op ǁ enichsints soude slaen, ende desgelix oic ǁ allen ende ijegelicken die binnen den paelsteden ǁ vanden gemeijnten der voorschreven van Weelde ǁ ende Poppel sijn geseten ende anderen inder ǁ selve gemeijnten, gericht sijnde hunnen ǁ gebruijcke dair inne gelijc zij dat ǁ schuldich sijn te hebben ende al sonder ǁ argelist gelijc sekere openen besegelden brieven ǁ op die voirschreven uutsprake gemaict dat alles ǁ mit mede woirden cleerlicker inhouden, ende ǁ begripen, ende het sij alsoe dat nu cortelingen ǁ weder sekere geschille op verstaen, ende ǁ int' recht geresen is geweest voir, onsen ǁ lieven getruwen cancellier ende raidsluden ǁ geordineert in onsen lande van Brabant ǁ tusschen die voirschreven partien overmits der ǁ gebueren wille van Badaff, onderseten ons ǁ  voirschreven neve van Nassou toebehorende den ǁ voirschreven dorpe van Baerle welcke van ǁ Badaff die voirschreven van Weelde ende Poppel ǁ meijnden dit niet sculdich en waren ǁ te gebruijcken der voirschreven heijden, vroenten ǁ oft gemeijnten binnen den paelen bijder ǁ voirschreven uutspraken bewesen den selven van ǁ Weelde ende Poppel, meer dat die selve ǁ van Badaff sculdich waren, te vreden ǁ te sijn ende te obliven metten gebruijcke[n] ǁ vanden voirschreven heijden, vroenten, oft ǁ gemeijnten bewesen die voorschreven van ǁ Baerle, dien sij toebehoiren, den voirschreven ǁ  van Baerle dair aff houdende die ǁ contrarie, ende seggende dat die ǁ voirschreven van Badaff sculdich sijn te ǁ gebruijcken der voirschreven heijden, vroenten ǁ oft gemeijnten binnen den paelen ǁ bewesen den voirschreven van Weelde, ende ǁ Poppel, mits dien dat inder voirschreven ǁ uutspraken begrepen is, enen clausule ǁ boven genarreert, dair mede allen ende ǁ ijegelicken die binnen den paelsteden ǁ

[***] gemeijnten der voirschreven van ǁ Weelde ende Poppel geseten, ende andere ǁ die dair inne gericht sijn behouden is hunne ǁ gebruijck, dair inne gelijck sij dat sculdich ǁ sijn te hebben, ende oic mits dien dat ǁ inder carten die die voirschreven van Weelde ǁ ende Poppel hebben van hunnen voirschreven ǁ gemeijnten, begrepen steet, dat hen die ǁ voirschreven gemeijnten vercocht sijn tot behoeff ǁ van hen ende van allen den genen, die ǁ woenachtich sijn binnen den palen dair af ǁ ende voort tot behouf van allen den genen ǁ die sullen coepen dair af doe, mede deijǁlachtich wesen wouden, mit meer ǁ woirden die elc vanden voirschreven partien ǁ dair toe seijden, ende allegeerden, gedraegende ǁ hen elc vanden selven partien totten ǁ verstentenisse der voirschreven goeder mannen ǁ die die voirschreven uutsprake gedaen hadden, ǁ ende oic totten vonnisse onssen cancelliers ende ǁ raidsluden voirgenoemd, soe doen wij te weten ǁ dat die selve onse cancellier, ende raidsluden ǁ na dat sij gehoirt hebben gehadt, die ǁ voirschreven partien in allet dat sij hebben willen ǁ seggen, ende allegeren der voirschreven materien ǁ aengaende, ende dair nae wael, ende ǁ ernstelic oversien die brieve vanden ǁ voirschreven uutspraken, ende oic die brieve ǁ dairmede die voirschreven van Weelde ende ǁ van Poppel seijden die voorschreven gemeijnten ǁ hen verleent te hebben geweest ende ǁ oic gehoort die twee vanden voorschreven ǁ goeden mannen dair mede die voirschreven partien ǁ mits der absensie vanden anderen te vreden waren ǁ ende goeden rippen rait samentlick dair op gehadt ǁ ende alle saeken daer toe dienende wel gewege[n] ǁ hebben, op ten dach dath des briefs, beijde den ǁ voirschreven partien dair toe bescheiden ende inǁpuncten van hunnen gedeputeerden, mit hunnen ǁ vonnisse uutgesproken ende getermineert ǁ voor recht, dat die voorschreven van Badaff uut ǁ crachte, ende na inhoudt der voirschreven uutsprak[en] ǁ selen moigen gebruijcken der voirschreven heijden ǁ vroenten of gemeijnten binnen den palen of ǁ paelsteden bewesen den voirschreven van Weelde ǁ ende Poppel, nijettegenstaende den reden ǁ bijden selven van Weelde ende Poppel ǁ geallegeert ter contrarien, condempnerende ǁ die voirschreven van Weelde ende Poppel inde ǁ redelicken costen van dese saken ende behoude ǁ te henwairts die interpretatie, ende verclairǁnesse, van desen hunnen vonnisse oft in toecommende ǁ tijden eenighen twivel oft donckerheit ǁ dair inne geviele, om die te doen in ǁ tijden ende wilen also behoeven sal ǁ ontbieden hierom ende bevelen onsen drossete ǁ ende allen anderen onsen ambachteren richteren ǁ ende dieneren ons lants van Brabant, ende ǁ hunnen stedehouderen, nu sijnde ende naemaels ǁ wesende, ende allen anderen dien dat aengaen ǁ mach, dat sij ende elc van hen, also hem ǁ toebehoirt, onssen cancelliers ende raidsluden uutsprake ǁ voirschreven volcomelic onderhouden ende, bijden voirschreven ǁ partien doen onderhouden, die wederspenige ǁ dair toe bedwingende mit allen behoirliken wegen ǁ ende manieren dair toe dienende, ende des niet ǁ en laten want wijt alsoe gedaen willen ǁ hebben, ende des t'orconden hebben wij ǁ onsen segel aen desen brief doen hangen, ǁ gegeven opten dertichsten dach van octobris ǁ int jair ons heren duijsent vierhondert ende ǁ vijftich ende was geparapheert met seker ǁ paraphe opde plike stont geschreven, bij minen ǁ here derthoge tuwer relacien dair vanden ǁ raide bij waren Henrick Magnus meester ǁ Jan van Erpx, Jan Hinckart, Sijmon van ǁ Harvaijs ende meester Claes Clopp, ende ǁ was onderteekent L. Wachelgem, ende ǁ gesegelt met sijne hoocheijts grooten ǁ seghel onder uuijthanghende aen ǁ dobbelen steert van parquement in ǁ  rooden wassch. Doen te wetene dat ǁ gesien ende gevisiteert, wel ende int ǁ langhe in den voorschreven onsen raede van ǁ  Brabant, 't voorschreven vonnis volghens ǁ den teneur voor verhaelt, geseghelt ǁ ende geteekent als boven, hebben aen allen, ende ǁ iegelijcken des nu oft in toecommende ǁ tijden van noode hebbende geaccordeert ǁ ende accorderen, onsen tegenwoordighen ǁ vidimus, ordonnerende aen allen, ende ǁ iegelijcken t'selve aengaende dese onse ǁ opene brieven vant selve vidimus, toe te vuegh[en] ǁ ende te geven in recht oft daer buijten ǁ alsulcken geloove, als oft het origineel ǁ ( bij ons in onsen voorschreven raede inder ǁ vueghen ende manieren voorschreven gesien ǁ ende gevisiteert aldaer waer iegenwoordigh ǁ ende des t'oirconden soo hebben wij den seghel ǁ die wijlen onsen heere ende vaeder, die Godt ǁ genaedich sij, gebruijckt heeft in desen land ǁ van herrewaerts over ende gebruijcken sullen ǁ tot dat den onsen sal wesen gesneden, hier aen gehanghen, gegeven ǁ in onse stadt van Brussel den sevensten ǁ decembris XVI^C vijffentsestich, ende van ǁ onse rijcken het derste [***] ǁ Bij den Coninck ǁ in sijnen raede ǁ V. Schmaertaelen ǁ

In dorso:

Vidimus van eene sententie ǁ tot Brussele [***] ǁ op den 30^e october ǁ Vidimus van den vonnisse geǁslaegen te Brussel dato 30^eǁ october 1450 omtrent seekere ǁ questie tussen die van Weelde ǁ en Poppel ten eenre en Baarle ǁ Nassau en Beddaf ten andere ǁ sijde, [***]de[***]teus ǁ