Alphen

Wij Wouter Henrick Janssen ende Merten Henricx zone vanden ǁ Kijeboom schepenen in Alfen, Oirconden dat voor ons quam Cornelis ǁ Joost Henricx zone van Ghilze, Ende lijde dat hij wittelijck vercoft ǁ heeft om een somme van gelde die hem vol ende al betaelt is, Merce ǁ lisen Matijs Jan Gherits zone, Een stuck erfs onder beemdt ender bosch ǁ hendende omtrent een buijnder genaempt den Legbeemt daer op hij, ǁ Cornelis vercooper voorgen. nae wijlen zijnre ouders doot tegens sijn ǁ brueders ende zusters gedeelte is zoo wij verstonden, Alzoo groot ǁ ende cleijn alst gelegen is tot Chaem opte Leg, oostwaerts aen Jan Corne ǁ lis Willem Bunsschaert zoons erve, zuijtwaert aende Gebuerstrate, ǁ westwaert aen Michiel Cornelis Henrick Snels z. erve, Ende noortwaert ǁ aen des voorgen. Mercelis Matijs Gherit z. ander erve hem [van] te ǁ voren toebehoirende [***] Te vrijen ende te waeren tvercofte stuck erfs ǁ voors. met een zestendeel van een voeder hoijs, den hove ter Braken ǁ daer jaerlijcx uuijtgaende zonder eenigen anderen commer, Behoudelijck ǁ dat medepant ende bijpant blijven zal, daert met recht schuldich ǁ is medepant ende bijpant af te zijn, In welck vercofte stuck ǁ erfs voors. de voorgen. Mercelis Matijs Jan Gherits zone ǁ gevest is ende [toegedaen] daer met vonnis ende met recht zoo dat hem zeker ǁ is ende vast met voirwaerde dat hij hieraf doen zal alle [***] ǁ gebuerlijk recht, In oirconden desen brieve met onse zegelen ǁ bezegelt int jaer ons Heeren duijsent vijffhondert eenentach ǁ tentich seven dage in meerte.

F.A. Dijrven

Dorsale aantekening:

Mercelis Mathijs ǁ [***]