Vindplaats van het origineel
Regionaal Archief Tilburg, toegangsnummer 1433, Charterverzameling Oisterwijk (en Moergestel), inv.nr. 210
20 maart 1600
Samenvatting oorkondetekst
Akte van overdracht voor schepenen van Oisterwijk, door Gielis, zoon van wijlen Goossen Embrechts van der Borcht, als weduwnaar van Cornelia, dochter van wijlen Peter Claes Timmermans, en zijn zonen Goossen en mr. Peter, aan Adriaen, zoon van wijlen Peter Wouter Peynenborchs, ten behoeve van de Broederschap van Onze Lieve Vrouw in de kerk van Oisterwijk, van jaarlijkse erfcijns van 6 karolus gulden uit een stuk weiland, genaamd cuypers hoeffken, gelegen Inde schyve in de vrijheid van Oisterwijk.
Transcriptie
Condt sij eenen ijegelijcken want Gielis sone wijlen Goossen Embrechtss. vander Borcht naegelaeten weduwer wijlen ǁ Cornelia synre huijsvrouwe dochtere wijlen Peter Claes Timmermans sijn tocht ende recht van tochten hem als hij sede ǁ toebehoirende in eenen jaerlijcken ende erffelijcken chijns van sess Karolus gulden twintich stuijveren of die werde daer ǁ daervoir in anderen goeden gevalueerden gelde welcken chijns Wouter sone wilnere Herman Leurs wettelijck ǁ ende erffelijck hadde vercocht Goossenen sone wilnere Embrecht Goossenss. te vergelden ende te betaelen allen jaer ǁ erffelijck int hoochtijt van Lichtmisse van ende uut een stuck weijlants genoempt Cuijpers Hoeffken soe groot ǁ ende soe cleijn gelijck als tvoirs. stuck weijlants gelegen is inder vrijheit van Oisterwijck inde Schijve [***] ǁ tussen erffenis Henrick Robben alias inde mars aen deen sijde noortwaert ende tussen erffenis des voirs. Goossens ǁ met meer andere aen dander sijde streckende metten eenen eijnde aen erffenis der erffgenaemen Lucas van Amerzoijen ǁ ende metten andere eijnde aen erffenis Adriaens van Riel met meer andere gelijck dat in schepenen letteren van ǁ Oisterwijck daerop gemaeckt volcomelijck begrepen staet, wettelijck opgedraegen ende overgegeven hadden Goossenen ǁ sijnen sone bij hem ende bij de voirs. Cornelia tsamen verweckt soe tot sijnen behoeff als mede ten behoeve van meesteren ǁ Peeteren sijnen broedere sone sijns Gielis ende Cornelia voirg(enoempt) gelijck dat insgelijcx in schepen letteren van Oisterwijck ǁ daerop gemaeck volcomelijck begrepen staet, Soe is gestaen voir schepenen onderges. de voirs. Goossen Gieliss. ǁ vander Borcht soe voir hem selven als oijck deselve Goossen ende met hem de voirs. Gielis sijne vadere ǁ inden name ende van wegen meesteren Peteren sijns Gielis sone daer sij gesamenderhant voir gelooft ende hen sterck ǁ voir gemaeckt hebben ende hebben den voirg. chijns van sess karolus gulden wettelijck ende erffelijck opgedragen ǁ ende overgegeven Adriaenen sone wijlen Peter Wouter Peijnenborchs tot behoeff vande bruerschappe van Onser ǁ Liever Vrouwen inder kercken van Oisterwijck tsamen met allen schepen letteren testamenten ende instrumenten ǁ daeraff gewach doende met affgaen ende verthijen in manieren indijen gewonelijck sijnde gelovende de voirs. Goossen ǁ ende Gielis inder qualiteijt als voir op hen ende op alle henne goeden hebbende ende vercrijgende dit opdraegen ende ǁ overgeven der voirs. bruerschappen vast ende stedich te houden ten eeuwigen daegen sonder eenich wederseggen ǁ ende daerenboven den voirs. chijns te waren alsmen erffchijns schuldich is te waren ende allen commer ǁ ende calangie daerinne wesende der selver aff te doen gehelijcken uutgenomen dat den voirs. chijns ǁ staet te lossen nae uutwijsen den lossbrieven daeraff sijnde, getuijgen waren hierover schepenen ǁ in Oisterwijck Jan Joachimss. van Esch ende Jan vande Hoevel Diericxss. die heure seghelen in ǁ getuijgenisse hieraen hebben gehangen int jaer ons Heeren duijsent ende sesshondert twintich daegen ǁ inden merte.
L Hoevel secretaris