Vindplaats van het origineel
Regionaal Archief Tilburg, toegangsnummer 1433, Charterverzameling Oisterwijk, inv.nr. 195
2 maart 1525
Samenvatting oorkondetekst
Akte van overdracht voor schepenen van Oisterwijk, door Kathelyn, Geertruyt en Geritken, dochters van wijlen Claes, zoon van wijlen Gerit Elyaess. en Elyzabeth, dochter van wijlen Wouter Loers en Margrieten, dochter wijlen Henrick Goessens, en Jan, zoon van wijlen Ariaen Boen, als voogd van zijn kleinzoon Wytman, kind van zijn overleden zoon Cornelis en genoemde Elyzabeth, aan meester Jannen Lombaerts, ten behoeve van der bruederscappen vanden Eerwerdigen heyligen sacramente in de kerk van Oisterwijk, van 1/3 deel in een erfpacht van 7 zesteren rogge.
Transcriptie
Kathelyn Geertruyt ende Geritken gezusteren dochteren wilner Claes zoen wilner ǁ Gerit Elyaess. van wilner Claese ende uut Elyzabeth zijnre huysvrouwen dochtere ǁ wilner Wouter Loers die Wouter vercregen hadde by Margrieten zijnre ǁ huysvrouwe dochter wilner Henrick Goessens tsamen wittelijcken verwect met ǁ haeren momboiren daer toe van hen gecoeren ende hen vanden richter als recht is ǁ gegeven. Ende Jan zoen wilner Ariaen Boen als momboir van Wijtmannen ǁ zoen wilner Cornelis zijne soene dien hij bij dese voers. Elyzabeth oick wittelycken ǁ vercregen hadde noch onmondich wesende daer hij voer geloeft hadde, in presencien ǁ ende tegenwoerdicheit van Ariaenen Aert Elyaess. ende Joesten van Eersel als vriendt ǁ ende magen vanden selven Wijtman. Een dordengedeelt Kathelynen Geertruyen ǁ Geritken ende Wytmannen voers. tsaemen toebehoerende in eenen erfpacht van ǁ seven zesteren rogs, die welck wilner Anschem zoen wilner Henrick Goessens ǁ voers. Aleyten zijnre zuster jaerlycks erffelijck te vergelden plach, Ende die ǁ selve Aleyt haeren naesten erfgenaemen in haeren testament gemaect ende gelaeten ǁ hadde, gelyck zij dat in scepenen br(ieven ende in eenen instrumente daer op gemaect ǁ seden volcomelijcker begrepen te zyn, Hebben zy wittelycken ende erffelycken oever ǁ gegeven ende opgedraegen Meester Jannen Lombaerts tot behoeff der bruederscappen ǁ vanden Eerwerdigen Heyligen Sacramente inder kercken van Oesterwyck tsamen ǁ met allen scepenen brieven ende instrumente voers. daer aff mencie maeckende ende gewach ǁ doende, Ende met allen den recht hen daer inne eeenichsins toebehoerende met ǁ afgaen ende verthyen als daer toe behoerlycken is. Geloevende Kathelyn Geertruyt ǁ ende Gerytken met haeren momboire voers. ende Jan Boen inden naem ende van wegen Wytmans voers. als principael sculderen op hen ende op allen haere gueden hebbende ǁ ende vercreygende dese opdracht der bruederscappen voers. altyt vast ende ǁ stentich te houden sonder eenich wederseggen. Ende allen commer ende calaengie ǁ daer inne wesende elck van henne wegen ende Jan voers. van Wytmans ǁ voers. wegen daer hy voer geloeft heeft altemael aff te doen der bruederscappen ǁ voers., orconden hebben hier oevergeweest Scepenen in Oesterwijck Aelbrecht Willem Aelbrechss. ende Wouter Jacob Stynen zoen die hueren zegelen in ge ǁ tuygenissen hier aen hebben gehangen int jaer ons Heeren duysent vyfhondert ǁ vyff ende tweyntich twee daeghen inden merte
Dorsale aantekening:
die bruederscap vanden heijligh sacrament