Oisterwijk

Joost sone wilner Jans van Vucht heeft wettelyck ende erffelyck vercocht Marie weduwe wylen Jans ǁ van Os eenen jaerlycken ende erffelycken chyns van vierentwintich stuveren Brabants oft die ǁ weerde daer voir in anderen gevalueerden gelde. Alle jaer erffelyck te vergelden ende te betalen ǁ te Bamisse waer aft den ijersten betaeldach wezen sal te Bamisse nu naestcomende van ende uut ǁ een stuck beempts acht lopensaet lants oft daeromtrent begrypende gelegen in de prochie van Oisterwyck ǁ in Udenhout in den Biesmortel tussen erffenisse Jans van Vucht den Ouden aen deen syde ende tussen erffenisse Aert Jan ǁ Willemssen aen dander zyde streckende van erffenisse Ariaen Jan Gyben totter langer steeghde als hy zede ǁ om by de voirs. Marie in eenen erfrecht te hebben ende te besitten. Gelovende die voirs. Joost als ǁ sculder principael op hem ende op alle zyne gueden hebbende ende vercrygende den voirs. chyns der ǁ voirs. Marie te waren also men erffchyns sculdich is te waren ende tvoirs. onderpant voir ǁ die jaerlige betalinge van den voirs. erfchyns altyt goet seker genoech ende weldogende te houen ǁ ende te maken ende alle commer ende calangie daer op comende altemael aff te doen der selver. ǁ Getuygen waren hier over schepenen in Oisterwyck Cornelis Scilders Willemssen ende Goossen Embrecht ǁ Goossenssen die huere zegelen in getuygenisse hier aen hebben gehangen opten twelffsten dach ǁ novembris int jaer ons Heeren duysent vyffhondert twee ende vyfftich.

Dorsale aantekening:

De onderges. moeder van den maeghdenhuyse ǁ bekent uijt handen van Gerrit van Dooren ǁ als monseigneur van den Lijnden, Cornelis Lamberts ǁ in voldaninge ende cassatie deser brieffs ǁ ontfangen te hebben de somme van twintich ǁ carolus guldens. Actum den XVIII july 1658

Dit ist tmerck Maria Loymans

Betaald den 25e juny ǁ 1669