's-Hertogenbosch

Hendrick Peter Loefs soo voor hem selven mede als wettich ǁ man ende momboir van Maria dochtere Aert Corneliss. ende Wouter ǁ Dirck Nauwen soo voor hem selven mede als wettich man ende ǁ momboir van Anneke sijne huijsvrouwe dochtere Hendrick Peter ǁ Loefs beijde woonende in Udenhoudt, hebben gelooft onver ǁ scheijden ende een voor all als schuldenaeren principael op ver ǁ bant van hunne persoonen ende alle hunne goederen present ende ǁ toecomende, d'heer Johan van der Meulen secretaris deser ǁ stadt tot behoeft van juffvrouwe Helena van Zutphen de somme ǁ van vierhondert carolus gulden tot twintich stuijvers goet permissie ǁ gelts elcken gulden gereeckent metten interest vandijen tegens ǁ vijfs van t'hondert van heden date deses lest onderges. over ǁ een jaer te voldoen ende te betaelen, ende binnen dese stadt ǁ vrij van alle commeren ende lasten egeene ter werelt ǁ uuijtgescheijden te leveren sonder langer uuijtstel ofte ǁ oock eenich tegenseggen in recht ofte daerbuijten, overmits de ǁ de oprechte deughdelijcheijt deser schuldt als spruijtende ǁ van goede geleende ende aengetelde penninghen bij de ǁ voors. gelovers te danck ende tot hennen contentement ǁ gehadt ende ontfanghen, gelijck sij dat bekende mits dese ǁ getuijghen waeren hier over schepenen in S'hertoghen ǁ bossche Aernoldt van Thienen ende Daniel van der Meulen ǁ gegeven den veertienden dach der maent Martij int jaer ǁ ons heeren duijsent sesshondert achtent'sestich

J. vd. Meulen [***]

Dorsale aantekening:

Ontfangen bij mij onderges. van Jan ǁ Robben de somme van twehondert ende ǁ tweenveertich gulden thien, als reste ǁ der capitale penningen deses briefs, metten ǁ interest, tot desen dage verschenen ǁ sijnde seventhich gulden dertien stuijvers ende ǁ drij oort, en oversulckx consentere ǁ inde cassatie deses briefs, Actum ǁ desen tweden september XVI^c seventich

Helena van Zutphen

Udenhout

Schepen schult ǁ brief van ǁ vierhondert ǁ gulden capitael ǁ op dese vierhoendert ǁ guldens vijfticht dien retour ontfaenghen ǁ op den viertiende mert ǁ sestienhoendert acht en sestich