Vindplaats van het origineel
Regionaal Archief Tilburg, toegangsnummer 1433, Charterverzameling Oisterwijk, inv.nr. 157
17 september 1550
Samenvatting oorkondetekst
Akte van verkoop voor schepenen van Oisterwijk, door Arnt Stamelaert van Uden, als man van Diericxken, dochter van wijlen Jan van Tyenrode, aan Goossenen, zoon van wijlen Embrecht Goossens, van een jaarlijkse erfpacht van zeven lopen rogge uit een huis, hof, grond, schuur, akkers, landerijen, beemden, heide, houtwassen enz., gelegen ter plaatse genaamd huyckelem in de parochie Oisterwijk.
Transcriptie
Arnt Stamelaert van Uden als wettighe man ende momboir Diericxken zijnre huysvrouw en dochtere wilner Jans van Tyenrode ǁ vuyt crachte van eenre octroyen hem tot sgeens dat hier nae volght inde hove van Brabant verleent ende ǁ geoctroyeert al sinen sach heeft wettelijck ende erffelijck vercocht Goossenen zone wilner Embrecht Goossens ǁ eenen jaerlijcken ende erffelijcken pacht van zeven lopen roggen der maten van Oisterwyck ende aldaer te leveren alle ǁ jaer erffelyck te betalen op Sint Jacops dach apostel waer aff den iersten betaeldach zal zyn op sint Jacops dach ǁ nu naestcomende van ende vuyt eenre hoeven lants te weten vuyren huyse hove gront schuere ackeren landen ǁ beempden heyen houtwassen met allen hueren rechten ende toebehoirten gelegen inde prochien van Oisterwyck ǁ ter plaetsen genoempt Huyckelem tussen die gemeyn strate aen deen zyde streckende metten eenen eynde aen ǁ erffenisse Joost Vrients ende metten anderen eynde aent cruys als hy sede vanden selven erffpacht byden voirs. Goossenen ǁ in enen erffrecht te hebben ende te besitten Gelovende die voirs. Arnt als schulder principael op hen ende alle ǁ zijne goeden hebbende ende vercrijgende vande voirs. erffpacht goede ende gerechte waerschap te doene ǁ ende die voirs. onderpanden voir de jaerlixe betalinge des voirs. erffpachts den voirs. Goossenen altyt ǁ goet genoech weldogende te houden ende te maken ende allen commer ende calangie daerinne wezende ǁ altemael aff te doen den selven vuyt genomen eenen chyns van eenen stuver ende drye penningen den gesworen van ǁ Tilborch Getuygen hebben hier over geweest schepenen in Oisterwyck Cornelis Schilder Willemss. ende Adriaen Thomas ǁ Mertenss. die huere zegelen in getuygenisse hier aen hebben doen hangen opten zeventhiensten dach Septembris ǁ int jaer ons heeren duysent vyffhondert ende vyfftig
Dorsale aantekening:
17 septembris 50 ǁ Art van Uden ǁ VII lopen rogge ǁ op de hoeve Hueckelom