Moergestel

Pauwels soone wijlen Jan Anthonis Stevens soon, heeft wettelijck ende erffelijck gelooft te ge[***] te betaelen Peeteren Peeter Leemans, tot behoeff van heeren Peeteren Leemans [***] ǁ [***] pastoor tot Meerle zijnen broedere eene jaerlijcke ende erffelijcke renthe van sesthien carolus gulden tsiaers van twintich stuveren t'stuck oft de weerde daervoor in anderen goederen [***] ǁ alle jaer erffelijck int hoochtijt van Lichtmis, waeraff den iersten betaeldach weesen sal int hoochtijt van Lichtmis nu ierstcomende 1633, van ende uuijt een stuck erffs een deels ǁ [***] ende eensdeels tot Dries liggende acht loopensaeten oft daeromtrent begrijpende gelegen in deser parochien van Gestel inde Hoevel aldaer tusschen erffenisse Mathijs Pauwels aen ǁ d'een zijde, ende tusschen erffenisse Peeter Leemans voors. aen d'ander zijde, streckende [***] vande gemeijn straete tot aen erffenisse Peeter Leemans voors. als hij zeede hem ǁ den voors. chijns oft renthe bij den voors. heeren Peeteren in eenen [***] te besitten, Geloovende die voirs. Pauwels als schulder principael ǁ op hem ende op alle zijne goederen hebbende ende vercrijgende de voors. renthe van sesthien carolus gulden tsiaers den voors. heeren Peeteren te waeren als men erffrenthen met recht ǁ schuldich is te waeren ende t'voors. onderpandt voorde jaerlijxsche betaelinghe vande voors. renthe altijt goet, seecker genoech, ende waeldoogende te houden ǁ ende te maecken, ende allen commer ende calaingie van sijnen twege daer inne wesende den selven aff te doen geheelijcken, Allet sonder argelist, Getuigen ǁ waren hierover Steven Anthonis Stevenss. ende Marcus Jacobss. Beers schepenen in Gestel bij Oisterwijck die hoeren gemeijnen schependoms segel aen ǁ desen brieve oepen aen hebben doen hangen, Opten XIXe junij int jaer ons heeren duijsent sessehondert twee ende dertich

J. Peijnenborch [secretaris]

Dorsale aantekening:

[...] als procureur besoekt ǁ [***] pro ǁ [***]ǁ [***] van drij [***] ǁ [***] mach worden (kermisse?) ǁ [***] ǁ [***] 1642 [***]