's-Hertogenbosch

Philips sone wijlen Aelberts Janss. van Doren woonende tot Gestel bij Oisterwijck heeft mits desen wittelijck ǁ ende erffelijck vercoft Peteren Janss. Mutsaerts tot behoeff van Mathijs sone wijlen Jans Peterss. de Backere bourger deser ǁ stadt Shertogenbossche eenen jaerlijcken ende erffelijcken chijns van sess carolus gulden vijff stuvers, elcken carolus gulden ǁ tot twintich stuvers te rekenen, off die werde daer voor in anderen goeden gancbaren gelde te betalen alle jaer erffelijck ǁ den dertiensten dach van februario. Ende voerden iersten termijn van betalinge den dertiensten februarij anno xvic ende ǁ elff, ende in Shertogenbossche vrij van allen hertochs beden, vijfte thiende twintichste honderste ende allen anderen ǁ meerderen ende minderen penningen commeren schattingen ende lasten, gewoonlijcke ongewoonlijcke, innegestelt ende ǁ naemaels ingestelt te wordden egeene lasten uutgescheijden te leveren ende te vergelden, van ende uuijt een stuck ǁ lants wesende eensdeels ackerlant ende eensdeels drieslant oft weijlant, negen lopensatenen lants oft daerontrent be ǁ grijpende gelegen inde parochie van Gestel bij Oisterwijck ter plaetse genoempt inde Heijsten, tussen erffenisse Antonis ǁ Cornelijsse van Son westwaert aen deen sijde, ende tussen de gemeijn straet genoempt de Heistraete aen dandere ǁ sijde, streckende vande gemeijn straet genoempt de Hovelstraet tot aende gemeijnt van Gestel voorschreven soo hij ǁ verclaerden vanden selven Mathijssen metten erffrecht te hebben ende te besitten. Ende heeft die voors. Philips den ǁ voorscreven chijns den voorscreven Peteren tot behoeff des voorscreven Mathijssens opgedragen met helmelinge ver ǁ tijdenisse inne manieren indijen gewoonlijck sijnde gelovende die voorscreven vercooper als schuldenaer princi ǁ pael onder verbant van sijnen persoen ende allen sijnen goeders present ende toecomende dat hij den voorscreven Mathijssen ǁ vanden voors. chijns schuldige ende gerechte sall doen warantschappe ende dat hij allen anderen commer calaingie ǁ ende aentael inden voorscreven stuck lants wesende oft comende den voorscreven Mathijssen aff sall doen geheelijcken ǁ ende dat hij tvoorscreven stuck lants voorde betalinge des voors. chijns, den voors. Mathijssen jaerlicxs als voorscreven ǁ staet, daeruuijt te vergelden altijt goetgenoch ende welduegende sall maecken ende houden, met conditie toegedaen ǁ dat de voorgenoempde vercooper desen voors. chijns van sess gulden vijff stuvers ten allen tijden sall mogen lossen ende ǁ quijten teffens ten eenenmale met de somme van eenhondert carolus gulden elcken carolus gulden tot twintich ǁ stuvers te rekenen, oft die wierde daer voor in sulcken anderen goeden gelde ende tot sulcken valiere gelijck als tgelt ǁ ten tijde dese lossinge in Shertogenbossche gemeijnlijck sall gancbaer sijn. Ende metten chijns des jaers der lossinge ǁ ende allen achterstellen alsdan ten afteren ende ombetaelt staende, behoudelijck dat de voorscreven vercooper den ǁ lesten halff jaer te vooren wittelijck sall vercondigen, ende opseggen. Getuijgen waeren hier over schepenen inne ǁ Shertogenbossche Peter Pelgrom ende Robbrecht van Vorn gegeven den derthiensten dach der maent februarij ǁ int jaer ons heeren duijsent seshondert ende thien

[***]nt ambo

Litera Mathie Johannis ǁ Peeterssen