Oisterwijk

Anthonis Sone Jan Lambert Sijmons heeft wettelyck ende ǁ erffelyck vercocht Jan Peynenborch tot behoeff van Goijart ǁ Henricx Van Gorchom eenen Jaerlycken ende erffelycken chyns ǁ van vier gulden ende vijftien stuyvers oft die weerde daer ǁ voor in Anderen goeden gevalueerden gelde Te vergelden ende ǁ te betalen allen jaer erffelijck opten vijftienden dach van meert ǁ van aff den ursten betaeldach wesen sal opten vijftienden dach vanden meert ǁ nu ierstcomende van ende vuijt den dordengedeelt onbedeelt ǁ inde helft In een stuck weijvelts aen deen zijde noortwaerts ǁ de geheele helft drije lopensaet ofte daeromtrent begrepen ǁ de gelegen Inde parochie van Oisterwijck ter plaetse ǁ genoempt Berckel aende Craen dese geheele helft tusschen ǁ erffenis Adriaen Huijbert Marcelis met zijne kinderen aen ǁ deen Zijde ende tusschen erffenis Jenneken weduwe Laureys ǁ Adriaen Jan Martens aen dander Zijde, streckende metten eenen ǁ eijnde aende gemeijnt ende metten anderen eijnde aen erffenis ǁ Jennekens voorschreven, als hij seijde, om den voorschreven chijns ǁ bijden voorschreven coopere In eene erffrecht te hebben ende ǁ te besitten, gelovende die voorschreven vercoopere als schul ǁ der principael op hem ende op alle zijne goeden hebbende ende ǁ vercrijgende den voorschreven chijns van vier gulden vijfthien stuijvers ǁ den voorschreven coopere te waren alsmen erffchijns schuldich is te ǁ waren ende t voorschreven onderpandt voorde Jaerlycxe betaelinghe ǁ vanden voorschreven chijns altijt goet seker genoech ende weldogende ǁ te houden ende te maken, ende allen anderen commer ende calaengie ǁ daerinne wesende den selven aff te doen geheelycken uutgenomen twee ǁ oort stuijvers t siaers oft daeromtrent in hertoghen chijns uutte voorschre ǁ ven helft der voorgenoemde weije gaende ijerst van rechts wegen ǁ daer uut te vergelden staende met conditien hierinne toegedaen, dat die ǁ voorschreven Vercoopere den voorgenoemden chijns sal mogen lossen ende ǁ quijten smaels ende eens mette somme van hondert gelijcke karolus ǁ gulden metten jaerchijns ende metten achterstelle ten thijde vanden loss ǁ ten achteren ende ombetaelt staende behoudelyck dat hij gehouden sal ǁ wesen den loss een halff Jaer te voorens wettelyck op te seggen getuij ǁ gen waeren hierover schepenen In Oisterwyck Adriaen Willemssen Verhaeren ǁ ende Bartholomeus Cornelissen de Bont die henne segelen in ghetuijge ǁ nis hier aen hebben gehangen opten sesthienden dach vanden meert int ǁ jaer ons heeren duysent sesshondert een ende vijftich ǁ [***] J Peijnenborch

Dorsale aantekening:

numero 24 ǁ H Goyart Henrix ǁ V tsers pro Anthonis ǁ Jan Lamberts

Ondersteboven:

Jan Joosten vanden Broeck als ǁ momboir der omondige kijnderen ǁ van Dominicus Adriaensz. Reudt ende ǁ lestmaels deses dat Thomas Joost ǁ vanden Broeck ende Lambert Adriaens als ǁ momboir der omondige kynder Anthonis ǁ Jan Lamberts de rente in dwitte ǁ deses gementioneert aen sijnen handen ǁ te behoren der voors. kijnderen gelost ǁ [***] hebben mette somme van hondert ǁ gulden [***] capitael III gulden XV stuijvers tot ǁ verlopen intrest consenterende oversulx ǁ inden cassatie deses ten prothocolle ǁ te worden gedaen den 25 february 1656 ǁ Attestor ǁ J Peynenborch