Tilburg

In nomine Domini amen. Serie presentis publici instrumenti cunctis pateat euidenter quod anno a natiuitate eiusdem Domini millesimo qua ǁ dringentesimo quadragesimo sexto indictione nona mensis augusti die quartadecima hora vesperarum vel quasi pontificatus sanctissimi ǁ in christo patris et domini nostri domini Eugenij diuina prouidencia huius nominis pape quarti anno quintodecimo in mei notarij publici et testium ǁ infrascriptorum ad hoc vocatorum specialiter et rogatorum presencia constituti personaliter honorabiles viri et discreti Arnoldus filius quondam ǁ Henrici Hermanni Leyten et Wilhelmus dictus Vel mamburni prouisores ac bonorum Mense Sancti Spiritus in ecclesia de Tilborch rectores et eo nomine ǁ prefati mamburni asseruerunt atque viue vocis oraculo affirmarunt quod quondam Daniel dictus Stepper et Elizabeth eius uxor legitima ǁ in suo quod pariter condiderunt et ordinauerunt testamento morte eorundem confirmato factis prius per eos particularibus legatis legauerunt ǁ residuum bonorum suorum tam mobilium quam immobilium post ipsorum testatorum et eorundem prolium mortem dicte Mense Sancti Spiritus sub modis et condicionibus ǁ in instrumento publico super huiusmodi testamento confecto descriptis ita quod mamburni dicte Mense in tempore existentes singulis annis perpetuis temporibus ǁ futuris in festo Purificacionis beate Marie virginis de et ex bonis dictorum quondam Danielis et sue uxoris darent et exsoluerent fabrice ecclesie eiusdem ǁ unum modium siliginis mensure localis" idcirco dicti Arnoldus et Wilhelmus volentes ut dicebant imperpetuum dicte fabrice de dicto modio ǁ siliginis inuestituram et legitimam operam facere ac id assignare ad et supra ipothecam sufficientem et benevalentem unum modium siliginis hereditarium quem Walte ǁ rus filius Wilhelmi dicti vanden Kerckhoue dicte Mense hereditarie soluere est astrictus de et ex prato quodam sito in parrochia de Goerle ǁ retro ecclesiam ibidem inden Brant inter hereditates in litteris scabinalibus desuper confectis descriptas unacum dictis litteris scabinalibus et in ǁ eis contentis Gerardo filio quondam Henrici Hermanni Leyten et Johanni dicto Nouwen mamburnis et prouisoribus fabrice pretacte et illo nomine ǁ presentibus et acceptantis supportarunt ac desuper effestucando renunciarunt ad opus fabrice ecclesie supratacte nichil juris vel actionis dicte Mense ǁ in predicto modio siliginis et litteris scabinalibus mencionem de illo facientibus supratactis retinendo ymmo huiusmodi juri et actioni dicte Mense ǁ Sancti Spiritus competenti in pretacto modio siliginis ac in litteris eisdem cesserunt ut prefertur ad opus fabrice supratacte protestantes antedicti proui ǁ  sores Mense Sancti Spiritus quod facta inuestitura et legitima opera supratacta se et suos successores mamburnos Mense eiusdem et illo nomine ad ulteriorem ǁ solucionem modij siliginis de quo prefertur infuturis dicte fabrice faciendam minime teneri. Promiseruntque dicti prouisores Mense Sancti Spiritus ǁ quo supra nomine pro se et suis successoribus mamburnis dicte Mense in manu mei notarij publici subscripti tamquam persone publice rite ǁ stipulantis et acceptantis vice loco et nomine omnium et singulorum quorum interest intererit seu interesse poterit quomodolibet infuturis premissa omnia et ǁ singula firmiter obseruare et adimplere et contra ea vel eorum aliqua numquam facere vel venire per se alium vel alios publice seu occulte quouis ǁ ingenio quesito vel solucione sub pena et obligacione omnium et singulorum bonorum Mense Sancti Spiritus supratacte renunciantes quo ad hec ex ǁ cepcionibus doli mali fori lesionis decepcionis circumuencionis rei aliter geste quam scripte et alijs quibuscumque defensionibus priuilegijs ǁ et beneficijs juris canonici et ciuilis et eciam facti quibus mediantibus et per quas premissorum effectus impediri posset quomodolibet ǁ vel differri omnibus in hijs dolo malo fraude et machinacione sinistra exclusis penitis et proculmotis super quibus prefati ǁ mamburni quo supra nomine sibi fieri pecierunt instrumentum unum publicum seu plura publica instrumenta. ǁ Acta fuerunt hec ǁ in ecclesia parrochiali de Tilborch sepetacta sub anno indictione mense die hora et pontificatu quibus supra presentibus ibidem ǁ una mecum honestis viris et discretis dominis Francone Witbol et Henrico Gruyter presbyteris testibus supradicte Leodiensis dyocesis ǁ ad premissa vocatis specialiter et rogatis.

Et ego Nycolaus Jungelinx presbyter supradicte Leodiensis dyocesis sacra imperiali auctoritate pub ǁ  licus et venerabilis curie Leodiensis notarius juratus quia premissis omnibus et singulis ǁ dum sic ut premittitur fierent et agerentur una cum prenominatis testibus presens interfui ǁ eaque sic fieri vidi sciui et audiui idcirco hoc presens publicum instrumentum manu ǁ mea propria scriptum et subscriptum exinde confeci publicaui et in hanc formam pub ǁ licam redegi signoque et nomine meis solitis et consuetis signaui in ro[bur] ǁ fidem et testimonium omnium et singulorum premissorum rogatus et requisitus.