's-Hertogenbosch

Jan Jansz. Cauwenberchs de Jonge woonende tot Tilborch heeft midts desen wittelyck ende erffelyck vercocht Wouteren Crillarts ǁ tot behoeff van Nicolaes Janss. Donckers, Eenen jaerlycken ende erffelycken chijns van twelff Carolus gulden tot twintich stuvers goets gancbaers gelts den gulden gerekent ende thien ǁ dergelycke stuivers, Te betaelen alle jaer erffelyck inden hoochtyde van Onse Liever Vrouwen Lichtmisse, Ende voir den yersten termijn van betalinge inden hoochtijde van Onse ǁ Liever Vrouwen Lichtmisse anno XVIC ende vijfthien, Ende binnen der stadt Shertogenbosche vry van allen beden ons heeren des hertochs, exactien, subventien thiende ǁ twintichste honderste mindere ende meerdere peningen commeren scattingen ende lasten ordinaris extraordinaris gewoonlyck ongewoonlyck ingestelt ende naemaels inge ǁ stelt te  te wordden egeene lasten uuijtgsceyden te leveren ende te vergelden, Van ende uijt huys hoff met hunne gronden van erven gelegen inde heerlicheyt van Tilborch ǁ ter plaetsche genoemt aen de Broeckstraet groot int geheel twee ende een halff lopensaeten landts, neffen erffenisse Dirck Leonarts des vercoopers scoonvadere d’een ǁ zijde, ende neffen erve Peter Cornelis alias Geerkens d’ander zijde, Streckende van de gemeijn herbane totte voirs. Broeckstrate, Item van ende uijt eenen acker ǁ teulants drye lopensaeten landts oft daerontrent begrypende gelegen inde heerlicheyt ende plaetsche voirs. neffen erffenisse Symon Everts d’een zyde ende neffen erffenisse des voirs. Peter Cornelis ǁ d'ander syde, Streckende vande erve Cornelis Cornelis Handrix totte gemeyn herbane voirs., Item van ende uijt twee ende een halff  opensaeten landts gelegen inde heerlicheyt ende ter ǁ plaetsche voirs. neffen erffenisse Cornelis Cornelis Handrixs. voirs. d’een zyde, ende neffen erffenisse Arnt Cornelis Jans Dirxs. d’ander zyde, Streckende vande erve des voirs. ǁ Arndt Corneliss. totten erve Marten Peter Vrancken, Ende alnoch van ende uijt eenen camp weijlandts zess lopensaeten landts oft daerontrent groot zynde gelegen inde paro ǁ chie ende plaetsche voirs. neffen erffenisse Peter Cornelis Heerkens voirs. d’een zyde, ende neffen erffenisse Arndt Corneliss. voirs. d’ander zyde, Streckende vande erve ǁ Dirck Leonarts totter erffenisse der pastorye tot Tilborch toebehoirende, zoo hij verclaerden, Vanden zelven Nicolaess. metten erffrecht te hebben ende te besitten, ende heeft die ǁ voirn. vercooper den voirs. chijns den voirn. Wouteren Crillaerts tot behoeff vande voirs. Nicolaess. opgedragen met helmelingen vertydenisse in manieren in dyen [gewoonlyck] ǁ sijnde, Gelovende die voirn. vercooper als sculdenaer principael op verbant van zijnen perzoon ende goederen present ende toecomende dat hy den voirn. Nicolaess. van den ǁ voirs. chijns sculdige ende gerechte sal doen warantscappe, ende dat hij allen anderen commer calaingie ende aentael inde voirs. onderpanden wesende oft commende ǁ den voirs. Nicolaess. aff sal doen geheelyck uuytgenomen eenen erffelycken pacht van een malder roggen aenden heeren van Oirschot yerst jaerlycks van rechts wegen daer uuyt ǁ te vergelden staende, soo hij verclaerden, Ende dat hy de voirs. onderpanden voir de betalinge des voirs. chijns den voirn. Nicolaess. Janss. Doncquers jaerlix ǁ daer uijt soo voirs. staet te vergelden altijt goet genoch ende welduegende sal maecken ende ende houden, mit conditien hier inne toegedaen, dat die voirn. ǁ vercoopere den voirs. chijns ten allen tyden sal mogen lossen ende quyten teffens ende ten eenenmale mette zomme van tweehondert Carolus gulden tot twintich ǁ stuvers goets gelts ten tyde der afflossinge bij openbaren placcate vanden hove van Brabant tot Brussel gepermitteert zijnde den gulden gerekent, Ende metten ǁ jaerchijns ende achterstellen daer van als dan t'achter ende onbetaelt staende, Behoudenlyck dat men den voirs. losch schuldich ende verbonden sal zijn ǁ een halff jaer te vorens wittlyck te vercondingen ende op te seggen, Getuijgen waeren hier over schepenen in Shertogenbosche Jan van Bruegel ǁ ende Zeger meester Seger Adriaenss., Gegeven den twelffsten dach der maent februarij int jaer Ons Heeren duysent zesshondert ende veerthien

v Dankersloot littera Nicolai Donckers                                            

Dupliciteur subscripsit  k

Dorsale achterkant:

XII gulden X stuivers Jan Janss. ǁ Caeubercht tot ǁ Tijlbuercht