Zuidewijn-Capelle

Ick Jan Antonissoen de Leeuw richter inde ambachte van Suijdewijn ende met ǁ mij als kemeraders Jochem Cornelissen, Peeter Baeijens, Adriaen Adriaenssen ǁ den Jongen ende Antonis Adriaenssen Timmer, oirconden ende sennen dat voor ons ǁ Frans Handrickxss. voor hem selven, ende Gijsbert Janssen voor hem selven ende hem ǁ mede sterck maeckende voor sijnen susteren bij naemen Trijnken Jans dochter ǁ ende Aentken Jans ende Jenneken Jans d(ochte)r ende de selve mede vervangende ǁ in desen ende gaven te saemen over met een vrije gifte soe als recht is aen ǁ Gerit Willem Geritssen alle haere aenpaert gedeelte ende gerechticheijt als ǁ de selve hebben ende haer aengecomen is van Jan Matthijssen gelegen  [***] ǁ een stuck lants gemeen ende onbedeelt met den selven Gerit Willemssen cum suis ǁ ende dat streckende vande acht hoeffen ofte joncker Dierck van Muijssenborch ǁ erffgenamen deelen aff noortwaerts op totten halven ouden gantel toe, oist ǁ ten naesten gelant den ambasheer van Sprangh ende west Lucas Cornelissen ǁ cum suis ende sij comparanten beloooffden tselve dese jaere gerechicheijt te ǁ vrijen ende waeren naer den recht van den lande ende alle voorcommer aff ǁ te doen ter desen dage toe ende den cooper gelooft te onderhouden alle wegen ǁ stegen schouwen naebeuren rechten met recht daer toe behoorende Alle druck ǁ sonder arch ofte froude des t oirconden  alsoe wij alle als kemeraders voornoemt ǁ geenen gemeenen noch eijgen segel ende gebruijcken hebben wij gebeden Jan ǁ Antonissen onse richter voornoemt dat hij desen brieff over ons allen besegelen ǁ wilde omme bede mijne kemeraders ende aldus condich is hebbe ick mijnen ǁ segel hier onder aen gehangen int jaer ons heeren xvic seventwijntich ǁ opten xxxe dach in julij bij mij als secretaris onderteeckent.

Peeters secetaris.

Linkermarge:

Moleschot ǁ 1633   8/26