Driel

Wij Jacob Vos ende Egen Handericxsen van Driel schepenen in Driel tuijgen, dat voor ons comen is ǁ Merten Geritsen Becker ende heeft vercoft ende opgedragen voor eene somme van penningen die hij gelde dat ǁ hem bethaelt sijn, eenen mergen lants of soo groot ende cleijn den selvigen gelegen is inne den gerichte van [Horwe-] ǁ nen op den Breart, tusschen lant van Jan Jansen van Driel oost ende west streckende ten zuijden ende noorden ǁ tot op twe gemeijne straeten, of soo wie allomme met recht naest gelant ende gelegen mach sijn Jan Jansen ǁ van Driel in eenen eijgendomb, met laste van twintich voeten dijcks gelegen inne den gerichte voors. ǁ tegens des vrouwe van Horwenens hof, of soo veel min of meer als hij aldaer is hebbende onleesbaar ǁ Jan Jansen voorn. boven, ende mij Egen Handericxsen beneden naest gedijckslaecht voort, dijck [ende] ǁ thijns vrij, erffelick te hebben ende te besitten, Ende comparant voorn. verteech daer op ende hij [geloefde] ǁ daer op de doen vertijen allen die van rechtswegen vertijen moeten, ende te waeren met volder [waer]  ǁ schap tot onsen lantrecht, ende allen voorcommer ende voorplicht utgesondert den dijck voors. daer van ǁ af te doen in oirconde onser letteren. Gegeven int jaer onses Heeren duijsent ses hondert een ǁ en vijftich den dartienden dach van maij.

In kennisse van mij secretaris ǁ J. de Cocq

Dorsale aantekening:

Jan Jansen van Driel