's-Hertogenbosch

Laureijns sone wijlen Gerarts Jansz. wonende tot Tilborch heeft wittelick ende erffelick vercoft ende vercoopt ǁ mits desen Pauwelssen Moins sone wijlen meester Martens Moins raidsheere in sijnen leven deser stadt, als ǁ momboir vande drije ommundige kijnderen meester Jans Schenckels verwect bij wijlen Elisabeth zijne huijsvrouwe ǁ dochtere des voorschreven wijlen meester Martens Moins tot behoeff vanden selven ommundigen, eenen ǁ jaerlicken ende erffelicken chijns van vier carolus gulden ende twee stuijvers elcken gulden tot twentich ǁ stuvers goets gancbaer gelts gerekent te betalen alle jaer erffelijck inden hoochtijde van Sinte Marie Magdalenen ǁ dach Ende voer den iersten termijn van betalinge vanden hoochtijde van Sinte Marie Magdalene toecomende over een ǁ jaer ende binnen deser stadt van Shertoigenbossche vrij van alle beden ons heeren des hertoge exactien subventien vijffste ǁ thiende twintichste meerdere ende mindere penningen commeren schattingen ende lasten gewoonlijcke ongewoonlijcke ǁ ordinarisse extraordinarisse innegestelt ende noch namaels ter avontueren ingestelt te wordden egeen uutgescheijden ǁ vrij te leveren van ende uut deen hellichte den voorschreven vercoopere toebehoorende soo hij seede in huijs erve hoff schuere ǁ torffschop met hennen gronden ende erffenissen daeraen liggende ende toebehoorende gelegen onder de parochie ende heerlijckheijt ǁ van Tilborch ende groot int geheel twintich lopensaten lants ter plaetssen geheijten aende Horevoirt tusschen erffenisse ǁ Dionijs sone Joost Jansz. Taijt, Jans sone Goijarts Adriaenss ende Jans sone Gerarts Cornelis Colen aen deen sijde ǁ ende tussen erffenisse vanden kijnderen Gerarts sone Jans Martens aen dander zijde streckende vanden erve des voors. ǁ Dionijs ende erffenisse des voorschreven Jans Goijarts Adriaenss tot aende gemeijn strate aldaer soo hij verclaerden ǁ vanden selven ommundigen kijnderen metten erffrecht te hebbene, ende te besittene ende heeft die voors. vercoopere ǁ den voorn. chijns den voors. Pauwels Moins tot behoeff vande voorschreven ommundigen opgedragen heeft daerop vertegen helmelinge in ǁ manieren inne dijen gewoonlijcken zijnde, Gelovende die voorschreven vercoopere als schuldenaer principael onder ǁ verbant van sijnen persoon ende alle zijne goedens hebbende ende vercrijgende dat hij den voorschreven ommundigen ǁ kijnderen vanden voorschreven chijns schuldige ende gerechte sal doen warantschappe ende dat hij allen anderen ǁ commer calaingie ende aentael int voorschreven onderpant wesende ofte comende den selven ommundigen aff ǁ sal doen geheelijcken uutgenomen drije stuvers grontchijns aenden heere van Tilborch ende eenen pacht van dertien ǁ ende een halff lopen roggen soo aenden pastoir der kercke tot Goorle als aenden rectoir van onser liever vrouwen ǁ altaer inde kercke tot Tilborch respective ierst jaerlicx ende van rechts wegen uut de voorschreven geheele ǁ erffenissen te vergelden staende gelijck hij seeghde, ende dat hij tvoorschreven onderpant voorde betalinghe ǁ des voorschreven chijns den voorschreven ommundigen jaerlijcx daer dat soo voorschreven staet te vergeldene ǁ altijt  goet genoech ende weldoegende sal maecken ende houden, Met conditie hier inne toegedaen dat de ǁ voorschreven vercoopere desen voorschreven chijns sal mogen lossen ende qwijten tsamen ende ten eenenmale ǁ metter somme van tsestich carolus gulden tot twintich stuufers, in goeden permissie gelde bij placcate ǁ gepermitteert, elcken gulden gerekent Ende mittten jaerchijns ende achterstellen die ten tijde deser lossinge ǁ daervan ten achteren ende onbetailt sullen staen, Behoudelick nochtans dat de voorschreven vercoopere ǁ schuldich ende verbonden sal wesen den loss een halff te vorens wittelick te vercondigen ende op te seggen ǁ Getuijgen waren hierover schepenen inne Shertoigenbossche Aernt van Broechoven ende Michiel ǁ de Borchgreve, gegeven den thiensten dach der maent van julio int jaer ons heeren duijsent ǁ sesshondert eenendetwintich.