Tilburg

Willem zoon wilnere Jan Willem Aertss by den selven Jan, ende uuyt wilnere Anna zyn huysvrou, dochter wilnere Jacob ǁ Willem Melis tzamen verwect ende vercregen zynde, een stuck lants van sevenvierde vatsaets oft daer omtrent ǁ begrypende gelegen binnen den prochie van Goorlle ter plaetse geheyten in de kerckhoffs acker, aldaer tusschen ǁ eenen gemeynen moelenpat deen zyde, ende tusschen erffenisse Jan Jan Soffairts dander zyde, streckende ǁ van der erffenisse der erffgenamen heeren Johans van Brecht ridders totter erffenisse Cornelis Willemss ǁ van den Kerckhoff soe hy zeyde, heeft hy wittelyck ende erffelyck vercocht overgegeven ende opgedragen ǁ Anthonisen soon wilnere Aert Ravels met affgaen ende verthyen als dat gewoonlyck ende recht is, ǁ Ende heeft gelooft Willem vercooper voornoemt op hem selven ende op alle zyne goeden hebbende ende ǁ vercrygende tvoors. stuck lants te waren los ende vry, gelyc men los ende vry erven schuldich is te ǁ waren ende dit vercoopen overgeven opdragen affgaen ende verthyen voors. altyt vast ende stentich ǁ te houden, ende in zynen naem te doen houden sonder ennich wederseggen, ende alle commer ende ǁ calaengie daer op comende altemael aff te doen den selven, Oorconden hebben hierover geweest ǁ scepenen in Tilborch ende in Goorlle Cornelis Claes zone van Gierlle ende Geerardt Henrick Borch ǁ mans zone, die den segel hoirs gemeyn schependoms desen brieve open aen hebben doen hangen, int ǁ jaer ons Heeren duysent vyffhondert ende eenentseventich opten twelffsten dach in september