Onbekend

Archidiaconus Campinie in ecclesia Leodiensi presbytero de Tilborch ac aliis presbyteris nobis subditis ad quos nostre presentes littere pervenerint, salutem in ǁ Domino.

Cum honorabilis vir Bertholdus Back, filius legitimus quondam Iohannis Back de Tilborch, armiger, asserens collacionem ǁ seu rectoris presentacionem altaris beatarum Marie et Katharine virginum siti in ecclesia parrochiali de Tilborch, nostri archidiaconatus, ad se, dum vacat ǁ seu rectore carere dinoscitur, racione iuris patronatus pleno iure spectare et pertinere ad ididem altare, vacans ad presens per mortem seu ǁ liberam resignacionem quondam Marcelii Back, ultimi rectoris eiusdem, discretum virum Henricum, filium legitimum Wilhelmi de Beeck, ǁ clericum Leodiensis diocesis, tamquam habilem et ydoneum ad huiusmodi altare obtinendum, nobis litteratorie in Dei nomine presentaverit, cum ea supplicacione ǁ quatenus eudem^a Henricum presentatum ad pretactum altare admittere et rectorem in eodem instituere dignaremur et vellemus adhibitis solemp-ǁ nitatibus in talibus fieri solitis nosque super huiusmodi presentacione in facie dicte ecclesie de Tilborch unam solam solempnem pro omnibus ǁ fieri fecerimus proclamacionem, aliis duabus quandoque fieri solitis proclamacionibus pretermissis quas ipsi presentato ex gratia remisimus ǁ et remittimus speciali ac recepto prius per nos a procuratore legitimo dicti Henrici presentati debito iuramento in talibus prestari ǁ consueto ceterisque rite actis, eundem Henricum presentatum ad sepedictum altare beatarum Marie et Katharine admiserimus et admittimus rectoremque ǁ in eodem instituerimus et instituimus, investiendum eundem ac providendum sibi de eodem altari suisque iuribus et pertinentiis universis ǁ presencium tradicione.

Hinc est quod vobis universis et singulis supradictis et vestrum cuilibet insolidum in virtute sancte obediencie ǁ districte precipienda mandamus quatenus personaliter accedentes antedictam ecclesiam de Tilborch prenominatum Henricum presentatum ǁ seu eius legitimum procuratorem pro eo et eius nomine in et ad huiusmodi altare beatarum Marie et Katharine ipsiusque corporalem, realem ǁ et actualem possessionem suorumque iurium et pertinentium predictorum auctoritate nostra ponatis et inducatis calicem, libros, missale et cetera ǁ eiusdem altaris ornamenta in signum vere et realis possessionis tradendos et deliberandos sibique aut eius procuratori predicto ǁ de ipsius altaris fructibus, redditibus, proventibus, iuribus et obvencionibus universis, quantum in vobis est, respondeatis et faciatis ǁ ab aliis integre responderi temporibus et locis ad hoc aptis et quid in premissis feceritis nobis fideliter et liquide, si opus ǁ fuerit, rescribatis.

In cuius rei testimonium sigillum maius curie nostre archidiaconalis presentibus litteris duximus appendendum.

Datum ǁ anno a nativitate Domini millesimo quadringentesimo quinquagesimosecundo, mensis augusti die vicesimasexta.

^a aldus, lees eundem.