Onbekend

Universis presentes litteras inspecturis Adamarus de Ruppe, Dei gratia archidiaconus de Campinia in ecclesia Leodiensi, salutem in Domino sempi-ǁ ternam et subscriptorum agnoscere veritatem.

Noveritis quod, cum dominus Walterus dictus de Ghestel, presbyter Leodiensis diocesis, rector altaris ǁ beate Marie virginis siti in ecclesia de Westilborch, viginti solidos pecunie pagamenti annui et perpetui redditus, spectantes ad ǁ dictum suum altare, ad quandam domum et eius fundum quondam Martini de Dusel sitam in Oesterwiic habeat et iam-ǁ diu possedit, sicut hoc in litteris scabinorum de Oesterwiic super hoc confectis plenius continetur, quam domum aliqui de ǁ dicto fundo intuntur deponere et ammovere et alibi reponere, quod dictus dominus Walterus, ut rector eiusdem altaris, minime fuit ǁ passus, nisi dicto fundo prius reddito securo pro solutione dictorum viginti solidorum dicte monete et beneplacito et assensu ǁ nostris intervenientibus, quod quidam Arnoldus dictus Cleynael attendens comparuit coram scabinis de Oesterwiic promi-ǁ sitque dicto domino Waltero, tamquam rectori dicti altaris, ad opus eiusdem ipsum fundum de quo domus deponi et detrahi proponitur ǁ semper facere bonum et securum pro solucione perpetui redditus dictorum viginti solidorum predicte monete et pro maiori securi-ǁ tate de hoc facienda obligavit idem Arnoldus quasdam suas terras sitas prope Hukelem, que quondam fuerunt ǁ Katharine dicte Liesmans et idem Arnoldus Cleynael in sede sue viduitatis erga Brustinum dictum de Andel et Henricum ǁ dictum Roef emptione legitima acquisivit et in ypothecam posuit, circiter decem et septem lopinata terre in semine ǁ siligineo continentes, unde dictus Walterus litteras scabinorum de Oesterwiic ad opus altaris sui premissi recepit.

Hinc est ǁ quod ipse dominus Walterus nobis humiliter supplicavit quatenus dictum factum ac permutationem, si qua sit, confirmare et eidem nostrum ǁ assensum adhibere dignaremur. Unde nos archidiaconus predictus, rationabilibus precibus annuentes et evidentem utilitatem dicti ǁ altaris in dicta permutatione considerantes, ad premissa omnia et singula nostrum adhibemus consensum pariter et assensum ǁ et, quantum in nobis est, in perpetuum confirmamus et ratificamus, volentes ea perpetuis temporibus observari.

Datum sub sigillo ǁ nostro anno a nativitate Domini M^mo CCC^mo septuagesimosexto, mensis novembris die secunda.