Vindplaats van het origineel
Regionaal Archief Tilburg, toegangsnummer 1428, Charterverzameling Tilburg (en Goirle, Berkel-Enschot en Udenhout), inv.nr. 168
5 februari 1335
Samenvatting oorkondetekst
Akte van overdracht door de abt van het contvent van Tongerlo aan Bertout Bac van Tilborch van een beemd, genaamd de crat, gelegen in qualem de brouc, te Tilburg.
Transcriptie
Kenlec si allen den ghenen die dese jeghewoordeghe letteren selen zien ende hoeren dat wi abdt ende convent van ǁ Tongerlo hebben ghegheven Bertout Bac van Tilborch onsen beemt dien men noemt de Crat gheleghen Tilborch ǁ in qualem de brouc om XVIII oude coninx grote van Vrankerike ofte de werde der af jaerlex te betaelne op ǁ onser vrouwen dach als men kerssen draeght te Tilborch in onsen spiker, ende waer dat zake dat Bertout ǁ vorseit ghebrake in dit betalen so soude wi onse hant weder slaen ende doen an den voergheseiden beemt ǁ sonder iemans wedersegghen ofte meer daer toe te doene. In kennesse der wareden heb wi abdt ende con ǁ vent voers. onse seghele ghehanghen ane dese jeghewordeghe letteren. Gedaen ende ghegheven int Jaer ons ǁ heeren doe men screef M CCC XXXIIII saterdaeghs naer onser vrouwen dach voers.
Dorsale aantekening:
Vander Crat