Vindplaats van het origineel
Regionaal Archief Tilburg, toegangsnummer 1428, Charterverzameling Tilburg (en Goirle, Berkel-Enschot en Udenhout), inv.nr. 106
8 januari 1422
Samenvatting oorkondetekst
Akte waarbij Jan van den Eynden, zoon van Jan van den Eynden, twee stukken land, waarvan het één is genaamd tspoer, beiden gelegen te Berkel, uitgeeft aan Jan van den Ham, zoon van wijlen Herman van den Ham, tegen een jaarlijkse erfpacht van negen lopen rogge.
Transcriptie
Jan Gheheyten vanden Eynde zoen wilneer Jans vanden Eynde een stuc lande hem toebehorende ende geleghen tot Berkel ǁ after der wonynghen wilneer Jan Berkelmans, ende welc stuc lande voers. dese voers. Jan vanden Eijnde met enen stuc lands ǁ gheheyten tspoer, oec tot Berkel gheleghen in enen wittighen cope ghecreghen hadde jeghen Wouteren gheheyten Heye Wou ǁ teren sinen zoen ende jeghen Claus sinen zwagher als wittighe man ende momboer hadewyghen sijns wijffs dochter Wouter Heyen ǁ voers., ende die welke dese voirs. Wouter Heye ende wilneer Elisabeth sijn wijf jeghen wilneer Janne zoen wilneer Jans vande ǁ Kemenaden in enen wittighen cope ghecreghen hadden ghelijc als dat in scepen litteren van Oesterwijc daer op ghemaect ǁ volcomeliker begrepen is heeft hij vutghegheven Janne gheheyten Van den Ham zoen wilner Hermans vanden Ham van ǁ hem in een recht erfrecht te besitten voer alsulken chijns alsmen daer jaerlijcs metten recht voer sculdich is afte ghelden ǁ den welken Jan vanden Ham voers. hier jaerijcs voer af ghelden sal ende voert omme enen jaerliken ende enen erfeliken ǁ pacht van neghen lopen rogs allen jaer op onser vrouwen dach alsmen kersen dreeght van Janne vanden Ham voers. ǁ ende van sinen nacomelinghen Janne vanden Eynde voers. ende sinen nacomelinghen te ghelden ende Jan vanden Eynde ǁ voers. heeft dit voers. stuc lands te samen metten voers. scepenen litteren ende vorwaerden met allen hoiren machten ende be ǁ gripen alsoe verre als die den voers. stuc lands aen tangeren moghen den voergh. Janne vanden Ham voer den erfpacht voirs. ǁ overghegheven ende opghedraghen met afgaen ende vertyen als daer toe behoerlijc is ende heeft gheloeft Jan vanden ǁ Eynde voers. op hem ende op sijn goede dit vutgegheven overgheven opdraghen afgaen ende vertijen voers. den voergh. ǁ Janne vanden Ham euwelijc ghestendich ende vast te houden ende in sinen name te doen houden sonder enich wedersegghen, ǁ ende alle anderen voer commer ende calangie van sinen weghen daer in wesende altemael afte doen den selven orconden hebben ǁ hier over gheweest scepen in Oesterwijc Gherijt van Neijensvoert ende Aert vander Heijden die hoer zeghelen in ghetu ǁ ghenisse hier aen hebben ghehanghen int jaer ons heren dusent vyerhondert twyntich ende een des anders daghs na die ǁ octave van dertyendagh ons heren