's-Hertogenbosch

Wouter sone wijlen Willems sone Wouter Jacopss. een dordendeel wesende allet gedeelt ende aenpaert ǁ hen competerende in een stuck beempts drije buenderen beempts oft daeromtrent in tgeheel groot zijnde ǁ gelegen inde prochie van Tilborch ter plaetsen geheijten aen Baxdijck, tusschen erve des convents van de ǁ Bazeldonck in Shertogenbosch aen deen zijde westwaert ende tusschen den voern. Baxdijck oistwaert ǁ aen dander sijde streckende metten westen eijnde aen erve der erffgenamen meester Henrick Oliviers ende ǁ metten anderen eijnde aen de gemeijn Leije aldaer soe hij zeechde heeft hij wittelijck ende erffelijck ǁ vercoft Jannen sone wijlen Corneliss. Geritsse van Heijst van den zelven copere metten erffrecht te ǁ hebbene ende te besittene ende heeft het dordendeel des voers. stuck beempts opgedraegen met helme ǁ linge verthijdenisse inne manieren in dien gewoenlijck sijnde Gelovende de voern. vercoper als ǁ schuldenaer principael onder verbant van sijne persoon ende allen zijne goedens hebbende ende vercrijgende ǁ dat hij den voers. copere van sgeens voers. is schuldige ende gerechte sal doen warantschappe ende ǁ dat hij allen commer calaingie ende aentael in sgeens voers. is wesende oft comende den zelven copere ǁ aff zal doen geheelijcken vuijtgenomen eenen erffchijns van ontrent drije stuvers een oirt den ǁ personaetschappe van Oisterwijck jaerlijcx van rechts wegen vuijten voers. geheelen stuck ǁ beempts te betalen ende den laste van den schouwinge ende onderhout des waterlaets ende ǁ andere gebuerlijcke lasten daer toe van outs tonderhouden staende Getuijgen waeren hier ǁ over schepenen inne Shertogenbossche Jeronimus Wijnants ende Gregoris van der Meere ǁ Gegeven den sesten dach der maent van junio int jaer ons heeren duijsent vijffhondert vier ende ǁ tnegentich

J van Hees

Dorsale aantekening:

vande buijnder bempts ǁ aen Bacx dijck