Tilburg

Ende sij [***] ende gesien sijn geweest voer scepenen ondergescreven Marieken dochter wilner Ghijsbrecht Vermee met hoeren ǁ mombaer [***] hoir gegeven [***] gewoenten is Marcelis Aerds. van Vessem als man ende mombaer ǁ Lijsbethe sijnder huijsvrouwen Jan zoen wilner Cornelis vande Meerberge als man ende mombaer Adriane sijnder huijsvrouwen ende Cornelis ǁ Claes. van Ghierle als man ende mombaer van Katherine zijnder huijsvrouwen dochteren wilner Ghijsbrecht Vermee voers. ende hebben zeker erff ǁ deijlinge ende erffsceijdinge gedaen ende gemaeckt vande erffelijcken gueden heij ende veenen van hen aencomende ende verstorven zijnde van wilner ǁ Jenneken dochter wilner Ghijsbrechts Vermee hender sustere ende geswije ende dat inder manieren hier nae volghen, Overmidts welcker ǁ erffdeijlinge ende erffscheijdinge [***] sal Cornelis voers. inden naem van sijnder huijsvrouwen voers. hebben, houden ende erffelijcken besitten ǁ een stuck [***] gelegen is inder prochien van Tilborch ter stede geheijten die Schijve tusschen erffenis Marcelis Aerts. van ǁ Vessem [***] gedeijlt ende gepaelt aen deen sijde ende tusschen erffenis Jan Mijs. met zijnen kijnder aen dander sijde streckende van eenen ge ǁ meijnen ackervelt [***] geheijten [***] Weeghsken totter erffenis Diercks Gherit Back z. noch hier tot een stuck beempts een halff buender ǁ off daer omtrent [***] gelegen in der prochie voers. ter stede geheijten aenden Ouden Dreijboem int Broeck van Huesden, tusschen erffenis Jan ǁ Pauwels Jans. van Boerden aen deen sijde ende tusschen erffenis Daniel Cornelis Hermans. aen dander sijde, streckende van der erffenis der vrouwen ǁ van Doern met hoeren kijnderen totten gemeijnen stroom geheijten die Leije voers. alsoe zij seeden noch hier toe een stuck beempden houdende omtrent ǁ een derdendeel buenders luttel min off meer, gelegen tot Ghilze inde Vucht bij den Elsbeempt gelegen aldaer noordtwaert neven Lambrecht ǁ Weijmers erffgenaemen erve ende zuijdwaert neven Jans vander Meer erffgenaemen erve streckende westwaert aen Gherits vanden Oudenhoven erve ende ǁ oestwaert neven Jans Reijners erfgenaemen erve welck stuck beempts voirs. Ghijsbrecht Jans. vander Mer gecoft ende vercregen hadde tegen ǁ Margieten Henrick Dijrcx z. dochter met Anthonise Zebrecht Betten sone hoeren voecht gelijck als dat in scepen letteren van Ghilze daer ǁ op gemaeckt volcomelijcker is begrepen noch hier toe zal hij hebben houden ende erfelijcken besitten zeven lopen rogge jaerlijcks ǁ ende erffelijcks pachts te vergelden alle jaer erffelijcken op onser vrouwen dach tlichtmisse uuijt ende van huijs hoff met sijnen gronde ǁ ende toebehoirte gelegen in die prochie van Goerl tusschen erffenis Kathelijn Ghijsbrechts. deen sijde ende tusschen erffenis Claes Wouter ǁ Huijben dander sijde welcke zeven lopen roggen erffpachts voers. eertijts Peter Crillaerts. gecoft ende vercregen hadde tegen Jannen ǁ Vels ende welck zeven lopen roggen erffpachts voers. Jenneken dochter wilner Ghijsbrechts Vermee erffelijcken vercregen hadde ǁ tegen Jannen Jan Hermans. als man ende m(om)baer Magdalene sijnder huijsvrouwen dochter wilner Jan Crillaerts., Ende noch hier ǁ toe sal hij hebben houden ende erffelijcken besitten, Een halff mud roggen jaerlijcks ende erffelijcks alle jaer te vergelden op ǁ onser liever vrouwen dach lichtmisse uuijt ende van eenen huijse ende hove, met sijnen gronde ende toebehoirten te samen zess ǁ lopensaet off daeromtrent begrijpende gelegen inder prochie van Tilborch ter steden geheijten aent Laer thusschen der erffenis ǁ Kathelijn weduwe Henrick Boeijen Rosen metten kijnderen deen sijde ende tusschen der erffenis Peter Goijaert Tielen dander sijde ǁ ende noch uuijt ende van eenen stuck landts vijff lopensaet off daer omtrent begrijpende gelegen aldaer tusschen erffenis der erffgenaemen ǁ Henrick Boeijen Rosen voers. aen deen sijde ende tusschen erffenis Huijb [***] met meer anderen aen dander sijde, ende welck ǁ halff mud roggen erffpachts voers. eertijts Denijs soenen wilner Pauwels Peters. als principael schulder geloeft ende ǁ gevest heeft gehadt, Ghijsbrechten zoen wilner Jans Vermee ende welck twee stucken beempden, stuck landts ende ǁ halff mud roggen erffpachts voers. Jenneken dochter wilner Ghijsbrechts Vermee in eender erffdeijlinge te deele gevallen ǁ waeren tegen die ander hoir mede deijlderen van wilner Ghijsbrechten Vermee voers. gelijck als dat in verscheijden scepen ǁ letteren van Tilborch daer op gemaeckt volcomelijcker is begrepen Ende welck halff mud roggen erffpachts voers. ǁ te loss staet nae inhoudt des lossbrieffs daer aff sijnde alzoe sij seijden, Op welcke stuck landts, twee stucken ǁ beempden, zeven lopen roggen ende halff mud roggen erffpachten voers., Mariken, Marcelis ende Jan voers. opvertegen ǁ hebben tot behoeff Cornelisens voers. te samen, ende op allen scepen brieven ende vorwaerden daer aff mentie makende ǁ ende gewach doende, ende met allent recht hen ennichsints daer inne toebehorende met overgeven ende affgaen als ǁ daer toe behoirlijcken ende recht is, Ende hebben geloeft Mariken met hoeren mombaer Marcelis, ende Jan deijlderen ǁ voers., als principael schuldener op hen ende op allen hen gueden, nu hebbende, ende noch naemaels te vercrijgene, dese ǁ erffdeijlinge, ende dit vertijen overgeven ende affgaen voers. altijt vast ende stendich te houden ende in hennen naem ǁ te doen houden sonder ennich wederseggen ende allen commer ende calanigien van henre wegen, daer op comende ǁ altemael aff te doen den selve, Behoudelijcken dat Cornelis voers. uuijten voers. stuck beempts gelegen inde ǁ Vucht bij den Erfbeempt, sal gelden twee stuver, ende anderhalff oirt stuvers erffchijns, gelijck die brieven van Ghilze ǁ voers. dat vermellende sijn, ende daer tot den Ackerwech geheijten den Rijtschen Kerckwech doer ende neven tstuck ǁ landts voers. lopende ende oeck tgeenen schauwe vander Leijen voers. aen deen eijnde vanden iersten stuck beempts voers. te ǁ onderhouden al nae der ouder gewoenten, welcken chijns Kerckwech ende schauwe voers. hij geloeft heeft als principael ǁ schulder op hem ende op allen sijn gueden hebbende ende vercrijgende alsoe te gelden ende te onderhouden datter die ander deijl ǁ sluijden hen gueden ende naecomelingen, daer aff sij aen sijn, ende blijven ongelast met conditien, ende vorwaerden hier ǁ inne toegedaen dat off Cornelisen voers. op dit sijn gedeelt ennigen anderen commer off last met recht quame voer ǁ nijet genoempt off daer aff ontwaert wordden dien commer ende last oft ontwaernisse alsoe amende hebben sij Mariken, ǁ Marcelis ende Jan voers. geloeft opte verbijntenisse als voer kijnt ende kijnders portie gelijck te helpen dragen ende ǁ te betalen sonder argelist, Orconden hebben hier over geweest scepenen in Tilborch ende in Goerle, Laureijs ǁ Henrick Zwijsen, ende Willem Joest Berijs Eelkens. die den zegel hoiren gemeijns scependoms, desen brieve ǁ open aen hebben doen hangen, Int jaer ons heeren duijsent vijffhondert acht ende veertich, den lesten dach ǁ in Januario