Oosterhout

Copie autentijck wat den originalen ǁ openen brief van woorde tot woorde accorderende ǁ Wij Jan Bernagij ende Lambrecht Stevens zoon schepenen in Oosterhout ǁ oirconden ende kennen dat voor ons commen is Jutte Adriaens ǁ weduwe vander Heerstrate, kende ende lijde met haren voicht ǁ de haer metter rechte gegheven was, dat zij vercoft hadde om ǁ een somme van gelde die haer vol ende al betaelt was ǁ Henrijck Peterss. tfierendeel in drie buijnder beemden ombedeelt ǁ onder lant ende water geheten die Rietbeemden zoe die gelegen ǁ zijn, aenen Willem Snoeckx wijf was, ende haer kinder, met haren ǁ arve aen deen zijde, ende Peeter Pintaues erve was gelegen aen ǁ dander zijde, noch 'tfierendeel in seven vierendeel buijnders ǁ beemden onbedeelt onder lant ende water geheeten Driehoecte velt ǁ zoe dat gelegen is aenen die Boedonck aen deen zijde, ende ǁ doude Jans arve vander Veken gelegen aen dander zijde, te ǁ vrien ende te waren met heeren chijnse beijde dese vierendelen ǁ voirs., ende daer dese selve j[..]te opgedeelt is teghens haer ǁ kinderen nae doot haer vader, in welcke t[..]e vierendeel ǁ voirss, Henrick voirss. gevest ende gearft is, met vonnisse ende ǁ met rechte, zoe dat sij hem seker sij ende vast, met voirwaerden ǁ dat hij daer af sculdich zal zijn te doen ende te geven alle ǁ scoten beden, ende gebuerlijcke rechten tOesterhout, In oirconde ǁ desen brieve met onss. segelen besegelt int iaer ons heeren ǁ dusent vierhondert, sesse ende vijftich veerthien dagen in merte ǁ

in dorso: 

[***] copie autentijck uut den brieff van landen ǁ geheeten rietbeemden ten hout dese copie ǁ hout van tvierendeel in drie buijnder beemden ǁ ende van tvierendeel in seven buijnder beemden ǁ