Vindplaats van het origineel
Regionaal Archief Tilburg, toegangsnummer 3167, Charterverzameling Oosterhout, inv.nr. 40.
27 juli 1491
Samenvatting oorkondetekst
Akte van verkoop voor schepenen van Oosterhout door Claeus Adriaens Coman, aan Jannen Adriaen Ghijselssoen, van een bunder beemd.
Transcriptie
Wii Iacop Heymans soen end Ioes Willem Iansz. scepenen in Oesterhout orconden ǁ ende kennen dat voer ons comen is Claeus Coman Adriaenssoen kende ende ǁ liide dat hii vercoft hadde om een somme van gelde die hem voll end all ǁ betaelt was Iannen Adriaen Ghiiselssoen een buynder beemden soe onder ǁ landt ende water dair Claeus voirg. op gheerfdelt was nae doot Alitenǁ ziinder moeder ende siin moeder voirs. gedelt was nae doot Raes Ianssoens ǁ hueres mans tegens siin kiinderen tot alsulker stadt gelegen met alsulker ǁ wairnisse ende voirt in alre manieren ende voirwairden als desen ouden ǁ scepenen brief besegelt met onse segelen inhout ende begriipt daer desen ǁ brief doer gesteken is ende daer Volquiin Henricxz. inne ghevest ende ǁ gheerft is met vonnis ende met rechte tot Ians voirs. behoef alsoe dat ǁ hem seker is ende vaste in orconde desen brieve met onse segelen bezegeltǁ int iaer ons heeren dusent vierhondert eenentnegentigh xxvii dagen in iulio