Regionaal Archief Tilburg, toegangsnummer 3167, Charterverzameling Oosterhout, inv.nr. 37.
11 maart 1540
Schuldbekentenis voor schepenen van Oosterhout door Meeus Aerts Meussoen aan Cornelis Jorijssoen van Gils om gedurende vier jaar jaarlijks acht karolus gulden te betalen.
Wij Wouter Thielmanssoen ende Sijmon Aert Sijmonssoen scepenen in Oesterhout orconden ende kennen ǁ dat voer ons quam Meeus Ariss. Meeussoen ende geloefde op hem ende op allen zijn gueden ǁ hebbende ende die hij vercrijgen sal mogen Cornelis Jorijssoen van Gils oft den thoender ǁ des briefs acht karolus gulden tstuc tot viertich, groot vlaems te betalen op vier jaeren ǁ nu naestcomende waer aff den iersten termijn vervallen ende verschijnen sal van halff merte ǁ nu naestcomende over een jaer ende zoe voert vervolgende ende tot elcken termijn een vierendeel ǁ der sommen voers. onder conditien oft gebueren mochte dat Meeus voers. huijsvrouwe ǁ moeder storve voer ende eer die termijn voers. verschenen oft betaelt mochten zijn soe sullen ǁ ten selven dage de onbetaelde termijnen voers. geheel ende als verschenen ende vervallen ǁ zijn ende tot dien dagen pandt als gereet gelt true als have met allen recht ǁ overstaen in orconden desen brieve met onsen segelen besegelt int jaer ons heeren duijsent ǁ vijfhondert ende viertich den elfsten dach marcij ǁ Joh. Boijschot
Dorsale aantekening:
Cornelis Jorijss. van Gils