Alzoo onsen genadichsten heere den coninck van Castillien van Leon van Arragon ǁ van Navarre van Napels etcetera Eertshertoge van Oistenrijck hertoge van Bourgoignen van Lothrijck van Brabant van Limborch van Luxemborch ǁ grave van Habsborch van Vlaenderen van Arthois etcetera In zijnen rade geordineert in desen zijnre majesteijt lande van Brabant was den negenentwintichsten ǁ dach der maendt van meerte int jaer XV^C zessentzeventich van wegen Willems van Achelen zoo voer hem zelven als voer zijne broeders ǁ ende zusters kinderen wijlen Anthonis van Achelen bij zijnre supplicatie verthoont ende te kennen gegeven geweest in substantie hoe dat ǁ zij bij andere hunne supplicatie in den voers. rade hadden te kennen gegeven dat in den jaer XV^C zevenenveertich (zij supplianten alsdan ǁ noch jonge weesen wesende) Henrick van Deventher henlieden momboir tot hunnen behoefve hadde gecocht een jaerlijcxsche rente ǁ van hondert carolus guldenen tot twintich stuijvers t stuck ende dat van den scepenen, kerckmeesteren gegoeijdde ende gemeijne ingesetenen van Oisterhoudt, die welcke hadden geloeft den voers. Henrick van Deventher, tot behoeff van de voers. supplianten ende hunne ǁ nacommelingen, de voers. rente van hondert carolus guldenen alle jaere te leveren ende te betalen binnen der stadt van tsHertogenbossche ǁ op Sint Jans Baptiste dach inden midzomer ende om de zelve rente tot behoeff als voere wel te verzekeren, zoo hadden die voers. ǁ van Oisterhoudt ende elck van hen als principael schuldenaren daervoere wettelijck ende erffelijck verbonden ende gehypoticeert ǁ hunne ende elcke heure naecommelingen goeden ruerende ende onruerende die zij doentertijdt hadden, ende naemaels noch zouden ǁ hebben ende vercrijgen, om de zelve goeden in gebreke van betalinge daer voer te mooghen commeren, houden ende vuijtwinnen, tot alle ǁ plaetsen onder en voer allen richteren ende hoven daer die bevonden zouden moegen werdden, Ende hoewel dijen volgende die ǁ voers. van Oisterhoudt waeren schuldich geweest den supplianten van t verloop der voers. rente wel ende behoirlijck te contenteren ǁ zoo en hadden zij nochtans tzelve nijet gedaen wat neerstich vervolgh ende maninge die voers. supplianten daerom tot diversche ǁ reijsen aen henlieden hadden gedaen ende doen doen zulcx dat die voers. rente doentertijdt wel was verloopen van elfre off twelfre ǁ jaeren onbegrepen tot der supplianten grooten achterdeele, schade, ende verdriete, op welcke supplicatie hen supplianten in de maendt ǁ van februario int voers. jaer zessentzeventich bij den voers. rade waeren geaccordeert ende geexpedieert geweest beslotenen brieven ǁ addresserende aen dijen van Oisterhoudt voers. daerbij hen was geordineert ende bevolen, dat zij den voers. supplianten van stonden ǁ aen ende sonder vertreck het verloop van de voers. rente zouden opleggen ende betalen, ende dezelve betalinge van jaer tot jaere ǁ continueren ten waere zij eenige wettige redene hadden hen moverende ter contrarien waeraff zij den voers. rade zouden ǁ adverteren binnen veerthien dagen nae de presentatie ende receptie van dijen, Welcke presentatie aen dijen van Oisterhoudt ǁ voers. waere gedaen geweest bij Ambrosius Ghuiset deurweerdere van den zelven rade op ten zesten dach der voers. maendt van ǁ meerte gelijck dat bleke bij de relatie van den zelven Ghuiset daeraf wesende, zonder dat zij die voers. bevelen hadden geobedieert ǁ in verachtinghe van de zelve ende tot groote schade ende verdriete van hem suppliant zijne broeders ende zusters ende noch meer ǁ zijn zoude zoo verre hen daertegen nijet en werdde versien bij ende met zijnre majesteijt behoirlijcke provisie ende remedie van justicien ǁ daertoe dienende alzoo hij suppliant zeijde, ende om de welcke hij zeer oitmoedelijck hadde gebeden, welcks supplicatie in den ǁ voers. rade gesien waeren den voers. suppliant daerop verleendt ende gedepescheert geweest zekere zijnre ma(jesteij)t oepene brieven vuijt ǁ crachte van dewelcke tot zijnen verzoecke als impetrant van dijen die voergenoempde deurweerdere hadde gedaeght den scepenen ende ǁ kerckmeesteren der vrijheijt van Oisterhout voers. aen Laurens Coomans schepenen ende gegoeijdde der zelver vrijheijt die welcke d'exploict ǁ aenroerde zoo voer hem zelven als in den naem van den anderen scepenen ende kerckmeesteren zijne ende te comparerene teenen zekeren gelegenen ǁ doen toecommende ende na lange overstreken dage in den voers. rade van Brabant om aldaer t'aenhoiren alzulcken verzueck ende ǁ conclusie als die voers. impetrant in der qualiteijt als boven zoude willen doen ende nemen, ten eijnde dat de voers. van Oisterhoudt ǁ gehouden zouden [***] ǁ [***] het verloop van de voers. rente op te leggene ende te betalene ende de zelve betalinge van jaere te jaere te ǁ continueren daaerop bij hen gedaeghde tantwoerdene, die contrarie te sustineren zoo verre hen dat goetdochte ende inder zaken voirts te ǁ procederen ende zien appoincteren zoo behoiren zoude, ende gemerckt ten dage daerop dienende te wetene den naestlesten dach der ǁ maendt van meije lestleden die voers. gedaeghde noch procureur voer hen in den voers. rade nijet en compareerden behoirlijck nochtans ǁ [***] ǁ

In dorso:

mandement van Willem van Achelen ǁ tegens regenten van Oosterhout, ǁ over het betalen van een rente ǁ