Terheijden

Wij Anthonis Lambrechts van Dongen ende Robbrecht Cornelissen Bocx scepenen in ter Heijden oirconden dat voor ons quam Adriaen Damis van Maeslandt alǁgemechticht ende inden name van Peeter Mathijs Adriaenssen bijden welcken hij wettelijck geconstitueert ende gemechtich gemaeckt ǁ is ons specialijck te doen t gene naerbos volght, naer luijdt der procuratie daet oft voor schepenen ende secretaris in ǁ Ghilse opten sevenentwintichsten februarij XXI^C achtenveertich gepasseert, de welck hij thoonde, kende ende lijde den comparant ǁ voorgenoemt inden naeme ende qualiteijt als voor wettelijck vercoft te hebben om een somme van gelde, die hem vol ende ǁ betaelt is, Adriaen Jacob Peeter Staps ende Emmeken Henrick Andriaens ten wettige houwelijcx luijden een stuck ǁ beemden groot ontrent vijff vierendeel buijnders off alsoo groot ende cleijn onbegrepen der maete alst gelegen is onder ter ǁ Heijden  aende groote schans oistwaert s’heeren vroenten, suijtwaert Emont Mijs erfgenaemen erve westwaert ǁ de reviere off merck aldaer ende nootwaert Franchoijs Willem Dennis erve, te vrijen ende te waeren het verkoft ǁ stuck beemden voors. metten gerechten heeren chijns daer jaarlijckx uijtgaende, sonder eenigen anderen commer, ǁ welck vercoft stuck beemden voors. den voorgenoemden Adriaen Jacob Peeter Staps ende Emmeken Henrick Adriaenssen ǁ  sijne huijsvrouwe gevest sijn ende toegedaen met vonnis ende met recht , soo dattet hen seker is ende vast, met voorwaerde ǁ dat sij hier aff doen sullen alle gebuerlijck recht, in oirconden desen brieff met onse segelen besegelt, int jaer ǁ ons heeren duijsent seshondert achtenveertich achtentwintich daegen in februarrio ǁ [***] ǁ

In dorso:

Vestbrieff ǁ voor ǁ Adriaen Jacob Peeter Staps ǁ ende ǁ Emmeken Henrick Adriaanssen ǁ sijne huijsvrouwe ǁ 1648 ǁ