Vindplaats van het origineel
Tilburg, Regionaal Archief Tilburg, toegangsnummer 2824, Charterverzameling Gilze en Rijen, inv. nr. 8.
24 oktober 1506
Samenvatting oorkondetekst
Akte van verpachting door Geertruijt de Edell, abdis van het convent van Sint Servaas in Utrecht, aan Willem van Wijnsen en zijn erfgenamen en nakomelingen, van ¼ deel in een halve hoeve land en veen, gelegen in Achttienhoeven, in het gerecht van de proost van Sint Johan in Utrecht, gedurende het leven van joncfrou Lutgaert van Wijnsen, zijn dochter, non in hetzelfde convent.
Transcriptie
Wij Geertruyt de Edell bij der genaden Goedts, abdisse ende gemeen convent van Sinte Servaes tUtrecht, doen kont allen luyden dat wij voir ons ende ǁ voir onse nacomelingen in pacht ende in huerwert gegeven hebben Willem van Wijnsen ende sijnen erffnamen ende nacomelingen die rechte vierdelen van ǁ een halve hoeve lants velts ende veens gelegen in den achtyenhoeven in des proesten gerecht van Sinte Johans tUtrecht streckende van des Biscops Weteringe ǁ opwert tot aen die Drinscote toe dair Dirck van Zuylen mit sijn medewerckers boven ende dat dorp van Westbroeck beneden naestgelant sijn van welke halve ǁ hoeve lants velts ende veens voirs. Louwe Gerytss. dat rechte vijftendeel off toebehoirt ende van welke vierdeel van der halver hoeven lants velts ende veens ǁ voirs. Willem van Wijnsen voirs. ons eerst op datumsbrieffs in den gerecht voirs. den vryen eygendom off over gegeven heeft duerende tot live joncfrou ǁ Lutgaert van Wijnsen sijnre dochter onse mede joncfrou elcx siaers om tyen Rijnsche gulden te weten sestyen nyewe Hollantsche stuvers ofte sestyen ǁ Badensche braspenningen die voir datumsbrieffs gemunt ende geslagen sijn voir elken Rijnsche gulden gerekent ofte ander goet payment hore wierden dair ǁ voir in der tijt der betalinge te betalen die een helfte opten Heyligen Pynxster dach nu naestcomende ende die ander helfte op Sinte Merthyns ǁ dach inde wynter dair naestvolgende ende alsoe voert jairlicx alsoe lange alst joncfrou Lutgaert voirs. leeft ende nyet langer ende dit sel all ǁ wesen vryts gelts van allen ongelde ofte onraede alse nu opten voirs(creven) lande veen ende velt leyt ofte namaels dair op comen ofte geset mach ǁ warden hoe ofte in wat manyeren dattet toe comen moecht in enygerwijs nyet uutgesondert mit sulcke voirwaerden tot wat tijden dat ǁ joncfrou Luytgaert voirs. offlivich geworden is foe sellen wij den voirs. Willem ofte sijn naecomelingen den vryen eygendom van die rechte ǁ vierdelen van die halve hoeve lants velts ende veens voirs. weder in den gerecht voirg. over geven alsoe vrij ende alsoe losse als wij dat op datumsbrieffs ǁ van hem ontfangen hebben sonder argelist. In kennisse der wairheyt soe hebben wij onse convents segel aen desen brieff gedaen gegeven in jair ons ǁ heren dusent vijffhondert ende sess des saterdages na Sinte Lucas dach