Geertruidenberg

Wij Borghmeesters Schepenen ende Raedt der stede Geertruijdenberghe doen condt ǁ ende kennelijck eenen ieghelijcken dien dese opene letteren verthoont sullen worden dat ǁ wij op huijden datum deses ghesien ende gevisiteert hebben sekeren openen gesegelden ǁ brieff in franchijn gheschreven ende besegelt met eenen uuijthangenden seghel van ǁ gheelen wassche op welcken seghel staen vier climmende leeuwen zijnde den selven ǁ brieff gansch ghave ongecancelleert ongemaculeert ende ongelustreert, maer ǁ suijver ende claer van woirt tot woirde aldus luijdende, wij Willaem ǁ Grave van Heynegouwen van Holland van Zeeland ende heer van Vriesland maken ǁ cond allen luden , Dat wij vercocht hebben onsen goeden luden gemeenlicken die ǁ woonachtich ende gearvet sien inden ambocht van Raemsdonck, alsulcke ǁ overmate als gemeten was doemen dair achterst mat daer die mate aff ǁ beghonde aen den dijc ende ghelic op al tambocht dore ter Donga toe, ǁ ende dese overmate sullen wij hen waren dijc vrij, ende als men en vrij eijghen ǁ arve schuldich es te wairne sonder alrehande archlist, in oirconden desen ǁ brieve bezeghelt mit onsen zeghel, Gegeven toit Sente Gherden Berghe ǁ des donresdaeghs nae Sente Jacobsdach int jaer ons Heeren M. CCC. Neghen ǁ ende twintich. Ende des toirconden hebben wij Borghmeesters Schepenen ende ǁ Raedt der stede Geertruijdenberghe voirs. het seghel ten saecken der selver ǁ stede desen letteren doen aenhanghen op den XXIII^en maij des jaers XV^C zeven ende ǁ tnegentich  ǁ

J. van Mansdale ǁ 1597 ǁ