Tilburg, Regionaal Archief Tilburg, toegangsnummer 2649, Charterverzameling Geertruidenberg en Raamsdonk, inv. nr. 66.
27 december 1566
Akte van overdracht, gepasseerd voor schepenen van Geertruidenberg, door Jan Petersz. aan Adriaen Willemsz. van Hulten, ten behoeve van Mari Willem van Hulten, van een jaarlijkse rente van drie karolus gulden en vijftien stuivers uit land, gelegen Int zuyteyndt vande mede, te Made.
Wij Henrick Cornelis z. brouwer, ende Henrick Hubrechtss de Hooch schepenen ǁ in Sinte Geertruyden berge doen condt allen luyden dat voor den rechter ende ǁ ons comen is in eenre gebannen vierschaer Jan Peters z. ende geeft ǁ over Adriaen Willems z. van Hulten tot behoef van Mari Willem van ǁ Hulten dochter drye Carolus gulden ende vijfthien stuvers siaers tstuck ǁ vanden gulden tot veertich grooten vlaems, op ende vuyt eenen mergen ǁ lants zoe groot ende cleyn de zelve gelegen is int zuyteyndt van de mede ǁ tusschen Aert Domas zuytwaert met Floris Jans z. Jan Cornelis z. ende ǁ Pieter Jacopss zn noortwaert Anthonis Peterss oostwaert ende de hey ǁ westwaert, Te betaelen allen jaer op Corsmisse dach daer den ǁ yeersten chijns af zal verschijnen anno XVC zeven ende tzestich in desen ǁ manieren en worden dezen chijns allen jaer nyet betaelt ten daghe ǁ ende termijnen voornoemt zoe mach toner sbriefs zijnen chijns verbieden ende tvoors. ǁ goet eygenen als een Restpant, ende tallen teyden te mogen aflossen ende ǁ quyten met vijftich Carolus gulden tstuck als boven ende den chijns ǁ ende allen onbetaelden chijnsen daer toe Behoudens siaers voor vuytgaende ǁ twintich stuvers noch zeven stuvers ende der stadt vijf penningen des ǁ toirconde dezen brief met onzen zegelen bezegelt int jaer ons heren XVC ǁ zessendetzestich opten XXVIIen dach in december ǁ De Hoogh ǁ
In dorso:
desen brieff compt toe ǁ Lenaert [***] ǁ Huberssen desen [***] ǁ