Geertruidenberg

Wij Borgemeesters Schepenen ende Raedt der stede Geertruijdenberghe doen condt ende ǁ kennelijck eenen ieghelijcken, dat wij opt schriftelijck versoeck aen ons ghedaen bij Hector Cornelis ǁ Dielen, den selven vergunt geaccordeert ende vuijtgegeven hebben, vergunnen accorderen ende geven ǁ vuijt midts desen voir hen zijnen erven ende naecomelinghen, alsulcken hoecxken erven als achter zijne ǁ huijsinghe opde merct inde elff huijsen beneffens den kerckrooster ghestaen, opt kerckhoff alhier ǁ geleghen is neffens zaliger Willem Jacobss Coenen erve, zoo tselve erve op den XIIII^den deser bij ons ǁ affgereedt ende bepaelt is, ter lenghte van eenentwintich voeten ende vore zoo breet als de ǁ voirs. zijne huijsinghe wesende ontrent vijfthien voeten, ende zoo voirts noucx oft spiesghenǁwijs affloopende ter voirs. lenghte, blijvende teijnden breet acht voeten schaers, alles buijten ǁ muers te meten, ende dit voir eenen erffchijns van vier stuvers, te betalen alle jaeren ǁ eeuwelijck ende erffelijck gheduerende altijt op Sinte Martens dach precise, gelijck men ǁ andere deser stede erffchijnsen jaerlijcx is betalende, op de penen van oudts daer toe staende ǁ boven ende onvermindert alsulcke acht rinsgulden als deselve Hector Cornelis Dielen aen ǁ onsen handen gereet betaelt heeft, midts dat deselve Hector Cornelis Dielen zijne erven ǁ ende naecomelinghen zijn water altijt sal moeten houden ende leijden op zijn eijghen erven ǁ alles sonder arch oft list, Ende des t'oirconden hebben wij borgemeesters schepenen ende ǁ raedt der stede Geertruijdenberghe voirs. het seghel ten saecken der selver stede desen ǁ letteren doen aenhanghen op den lesten decembris des jaers XVI^C ende vier. ǁ Van Mansdaleer 1604 ǁ