Geertruidenberg

Wij Peeter Woutersz Bocket ende Aernt Geeritsz schepenen der stede Geertruyǁdenberghe doen condt ende kennelyck eenen ieghelycken, dat voir den rechter ende ǁ voir ons gecoomen ende gecompareert zijn in eenre gebannen vierschare Anthonia ǁ Thonis Moonaerts dochter daer moeder aff was Digna Adriaen Langen dochter out ǁ ontrent twintich jaren, voir hair selven geassisteert met Jan van Vreeswyck haren ǁ gecoren vooght in desen, Floris Jansss van Meir ende Godschalck Mathijsz Heys ǁ Borgemeesters deser stede ende in dier qualiteyt als oppervooghden van de andere dry ǁ naegelatene weeskinderen van de voirgenoemde Digna Adriaen Langen dochter geprocreǁeert by zaliger Willem Hutz Schotsman. Ende gaven gesamenderhant over met ǁ eenre verguenisse aen Hector Cornelis Dielen, de helft van eene huysinghe met ǁ gront ende toebehoirten, gestaen ende gelegen aende merct opden hoeck vanden ǁ kerckrooster alhier inde elff huysen, de weduwe van wylen capitein Willem Jacobsz ǁ Coenen met hare huysinghe gelegen aen deen zijde zuydtwaerts, ende den voirs. ǁ kerckrooster oft sheeren strate noortwaerts, het merctvelt west, ende achter ǁ oostwaerts streckende opt kerckhoff, daer aff dander helft Michiel Willemsz ǁ brouwer Int Swert tot Delft (als deselve opgewonnen hebbende) is competeǁrende. Gelovende de voirs. halve huysinghe te vryen ende warene jaer ende dach ǁ naden rechte deser stede, behoudens negen lichter guldens siaers op de geheele ǁ huysinghe staende, die Hector Cornelis Dielen met oyck alle de verloopen der ǁ selver tot zijnen laste Is nemende ende niet meer, alles sonder arch oft list, Ende ǁ des t'oirconden hebben wy Schepenen desen brieff met onse segelen besegelt, gegeven ǁ Int jaer ons Heeren duysent vyffhondert acht ende tnegentich vyfthien daghen in Decembri ǁ Jan Mansdale ǁ 1598 ǁ