Dordrecht

Wij Adriaen heeren Jansz. laeckencooper, Adriaen Jansz. coorencooper ende Cornelis ǁ Jacobsz. boochmaecker schepenen in Dordrecht, oirconden ende kennen dat voor ons ǁ quam, Willem Ariensz. schipper ende borger deeser stede, ende heeft hij comparant hem ǁ selven geconstitueert ende gestelt borge ende principael, voor Hectoer Cornelis Dielen woonende ǁ tot Geertruijdenberge, voorde somme van vijff hondert vijftich karolus gulden van XX stuivers t'stuck ǁ spruijtende uijt saecke van coope van t'huijs ende erve met sijnen toebehooren inden brieve ǁ mits deesen getranssipeert geroert, bijden voors. Hectoer van Jan Thielen als gemachtich ǁ van Hubrecht Smit voocht ende tot behouve van Tanneken Andries Smit onmondige dochter ǁ voor deen helft, ende van Anthoni Vierincx Jacobsz. ende Crijn Geertsz. gebroeders tsamen ǁ voor dander helft gecocht, omme off namaels daer ijet aen quame te resteren, in ǁ sulcken gevallen aen sijn comparant persoon ende goeden, roerende ende onroerende, verhaelt te ǁ werden, ende dat met alsulcken recht ende voor alsulcken rechteren alst den thoonder deeses ǁ goetduncken ende gelieven sal, In oirconde deesen brieve gegeven, op den III^e ǁ augusti anno XV^C ses ende tnegentich ǁ Berck ǁ