Geertruidenberg

Wij Willem van Dongen ende Aernt Geeritsse Hertoch schepenen der stede Geertruydenberghe, ǁ doen condt ende kennelijck eenre iegelijcken, dat voir den rechter ende voir ons gecomen ende ǁ gecompareert is in eenre gebannen vierschare IJken Jacobsdochter weduwe van wylen Marcelis ǁ Janss. geassisteert met Beniamin Diercxz ende haren gecoren vooght in desen, zo voir haer selven ǁ als oyck inden name ende als last hebbende van Jan Marcelisse haren zone, ende ghaff ǁ over met vrijer ghiften aen Cornelis Job Jacobsse van Bavel, eene ledighe erve daer ǁ eertijts een huijs op gestaen heeft, zoo groot ende cleyn die geleghen is ontrent deser ǁ stede vesten achter Jan Schoonemans erve bij der Mandemaeckers boethuijs, ǁ derffgenamen van Jacob Cornelisse Ruijmen oostwaerts, aen Pappen erffgenamen ǁ westwaerts, Jan Jansse Schoonemans zuytwaerts met henne erven respecive, ǁ ende der Stadt wegh noortwaerts, nae breeder vermelden vanden ouden ǁ vestbrieff in date den IIIen feebruarij anno XV^C achtentseventigh desen getransǁfixeert, Gelovende de selve erve te vryen ende te warene jaer ende dach ǁ naeden rechte deser stede, ende op nyets daer op vuytgaende, ende bekende ǁ zij comparante vande cooppenninghen deser erven al ende ten vollen betaelt ǁ te zijn ende den lesten penninck metten iersten ontfangen te hebben, alles ǁ sonder arch oft list, ende des toirconden hebben wij schepenen desen brieff ǁ [***] onse segelen besegelt, Gegeven int jaer ons heeren duijsent zesshondert ǁ [***] ǁ